اوکراینادا ناظیرلر استعفا ائدیر
اوکراینا دؤولت باشقانی زلنسکی، کابیه دییشیکلیکلرینین اوکراینانین احتیاج دویدوغو نتیجهلری الده ائتمهسی اوچون لازیم اولدوغونو ایفاده ائدرک، حکومتین بعضی ساحهلرینین گوجلندیریلمهسی لازیم اولدوغونو سؤیلهدی
اوکراینا پارلمانی باشقانی روسلان ایستئفانچوک، خاریجی ایشلر ناظیری دمیترو کولئبانین استعفا عریضهسینی پارلمانا تقدیم ائتدیگینی بیلدیردی.
ایستئفانچوک، سوسیال مئدیا حسابیندان وئردیگی شرحده، ناظیر کولئبادان استعفا عریضهسی آلدیقلارینی ایفاده ائدرک، استعفانین بیر سونراکی عمومی قورول ایجلاسلارینین بیرینده قیمتلندیریلهجگینی ایفاده ائتدی.
گئجه ساعاتلاریندا ائتدیگی بیر باشقا پایلاشیمدا ایستئفانچوک، اوکراینا باش ناظیر کؤمکچیسی و گئچیجی ایشغال آلتینداکی تورپاقلارین یئنیدن باغلانماسی ناظیری ایرینا وئرئشچوک ایله آوروپا و آوروپا-آتلانتیک قایناشماسیندان مسئول باش ناظیر کؤمکچیسی اولها استئفانیشینانین دا پارلمانا استعفا عریضهلرینی تقدیم ائتدیگینی بیلدیردی.
دونن اوکراینا استراتژیک صنایعلر ناظیری اولکساندر کامیشین، عدالت ناظیری دنیس مالیوشکا، اطراف قوروما و طبیعی قایناقلار ناظیری روسلان ایسترئلتس ایله اوکراینا دؤولت مولکیت صاندیغی باشقانی ویتالی کووال پارلمانا استعفا اوچون مراجعت ائتمیشدی.
اوکراینا دؤولت باشقانی ولودیمیر زلنسکیین اوست سویه مصلحتچیلریندن روستیسلاو شورما دا جمهورباشقانلیغی فرمانییلا وظیفهدن آلیندی.
بو دییشیکلیکلر، اقتدار پارتیسینین پارلمانداکی لیدئری دیوید آراخامیانین کابینهنین یاریسینین دییشهجگینی بیلدیرمهسینین آردیندان گئرچکلشدی.
اوکراینا دؤولت باشقانی زلنسکی، بو دییشیکلیکلرین اوکراینانین احتیاج دویدوغو نتیجهلری الده ائتمهسی اوچون لازیم اولدوغونو ایفاده ائدرک، حکومتین بعضی ساحهلرینین گوجلندیریلمهسی لازیم اولدوغونو سؤیلهدی.
زلنسکی، آمریکا باشقانی جو بایدن ایله گلن آی ائدجگی گؤروشمه اولینده حکومتده یئنیدن یاپیلانما حاضرلیقلارینین تاماملاندیغینی آچیقلادی.
مخالیفت میللت وکیلی ایرینا گئراشچنکو، حکومت دییشیکلیکلرینی تنقید ائدرک، بیر بیرلیک حکومتی قورولماسی چاغریشی ائتدی، زلنسکیین سیاسی قروپونون اقتدارداکی تأثیرینین سونا چاتماسی لازیم اولدوغونو مدافعه ائتدی.
ایلگیلیلی خبرلر
غزهده هلاک اولان لارین سایی 41 مینی اؤتوب
ایسراییلین غزهیه هوجوملاری نتیجهسینده هلاک اولانلارین سایی آرتماقدا داوام ائدیر.
