نتانیاهو: فیلادلفیا کوریدوروندان گئری چکیلمیه‌جگیک

ایسرائیلین باش ناظیری بنیامین نتانیاهو غزه-میصر سرحد خطین‌ده ایشغال آلتین‌دا اولان فیلادلفیا کوریدوروندان 42 ایلد‌ن سونرا دا گئری چکیلمه‌یه‌جکلرینی بیلدیریب.

ایسرائیلین کانال 12 تلویزیونونون معلوماتینا گؤره، نتانیاهو ناظیرلر کابینه‌سینین ایجلاسین‌دا ایسرائیل اوردوسونون ایشغال ائتدیگی غزه-میصر سرحد خطین‌ده‌کی فیلادلفیا کوریدورونا توخونوب.

"بیز فیلادلفیا کوریدوروندان 42 گون و یا 42 ایلد‌ن سونرا چکیلمیه‌‌جگیک" دئیین نتانیاهو ادعا ائدیب کی، فیلادلفیا کوریدورو ایسرائیلین تهلوکه‌سیزلیگی اوچون اؤنملی‌دیر و بونا گؤره ده اونلار دایمی اولاراق اورادا قالمالیدیرلار.

فیلیسطین‌لی قروپلارلا اسیر موبادیله‌سی راضیلاشماسی الده ائتمک اوچون حؤکومته تضییق ائتمک اوچون تشکیل ائدیلن عمومی تعطیله رئاک‌سییا وئر‌ن نتانیاهو، "بیابیرچی" اولاراق خاراکتئریزه ائتدیگی بو ضربه‌نین حماس-آ فایدا وئردیگینی ادعا ائدیب.

بیلدیریلیر کی، نتانیاهونون "42 گون" بیاناتی ایسرائیل و حماس آراسین‌دا دولایی‌لی دانیشیقلاردا گوند‌مده اولان "آتشکس راضیلاشماسینین 42 گونلوک بیرینجی مرحله‌سنه" ایشاره ائدیر.

باش ناظیر نتانیاهو مطبوعات کونفرانسین‌دا غزه‌یه ائدیلن سالدیریلارین فیلادئلفیا کوریدورو واسطه‌سیله هدفینه چاتدیغینی ادعا ائد‌رک، "بورادان چکیلمیه‌جگیک. هامیمیز بورادا قالماق‌دا ایصرار ائتملیگیک" دئدی.

ساوونما ناظیری یوآو گالانت‌ی قصد ائده‌رک، کئچن هفته غزه‌ده 6 ایسرائیل‌لی محبوسون جسدینین تاپیلماسین‌دان سونرا بعضی ایسرائیل مقاملارینین فیلادلفیا کوریدورون‌ده ایشغالا سون قویولماسی ایله باغلی آچیقلامالارینی ائشیدن‌ده شوکا دوشدویونو بیلدیرن نتانیاهو، سؤیله‌دی: قرارین کابینه‌ده قبول ائدیلدیب و هامی اوچون مجبوری اولدود."

باش ناظیر نتانیاهو غزه‌ده آتشکس و اسیر موبادیله‌سی راضیلاشماسینا نایل اولماق‌دا تام قرارلی اولدوقلارینی و حماس‌دان اوخشار جواب آلابیلمه‌یه‌جکلرینی ادعا ائدیب.

بون‌دان علاوه، اونا و حکومته قارشی اعتراضلارا و تنقیدلره توخونان نتانیاهو، "هئچ کیم (ایسرائیل‌لی) اسیرلرین خیلاص ائدیلمه‌سی مسئله‌سینه منیم قدر صادق دئییل، هئچ کیم منیمله بو مؤوضوعدا دانیشابیلمز" دئدی.

ایسرائیل اوردوسو غزه زولاغینین رفح شهرین‌ده تونئل‌ده 6 ایسرائیل‌لی اسیرین جسدینین تاپیلدیغینی آچیقلاییب.

حماس ایسه 6 ایسرائیل‌لی اسیرین "آمریکا سیلاحلاری ایله فیلیسطین خالقینی قتله یئتیر‌ن ایسرائیل بومباردمانی نتیجه‌سین‌ده" اؤلدویونو بیلدیریب.