ایران، تهرانداکی آلمان دیل انستیتوسونو موهورلدی
تهرانداکی گوته دیلی اینستیتوتونون باغلانماسی، "هامبورگ اسلام مرکزی"نین باغلانماسینا بیر جاواب اولدوغو سویلنیر
آلمان دیلی انستیتوسونون (گوته) تهرانداکی شوعبه‌سی موهورلندی.
ایران مطبوعاتیندا چیخان خبرلره گؤره، تهرانداکی آلمان بویوک ائلچیلیگینه باغلی گوته انستیتوسو بوگون سه‌شنبه مرداد آیینین ۳۰ موهورلندی.
ایران قضاوت سیستمینه باغلی میزان خبر آژانسی، تهرانداکی گوته انستیتوسونون باغلانیب موهورلنمه‌سی ایله علاقه‌لی بیر خبر پایلاشیب بئله یازدی:
آلمان حؤکومتینه باغلی بود غیر-قانونی مرکزین ایکی شؤعبه‌سی قانونلاری پوزاراق چوخ ساییدا قانونسوز عمللر و گئنیش مالی خلافلار تؤردیب. بونون اوچون ده اؤلکه‌نین صلاحییتلی محکمه‌سی طرفیندن باغلانیلدی.
دیگر طرفدن ایران‌دا بعضی مطبوعات، تهرانداکی گوته آلمان دیلی اینستیتوتونون باغلانماسینی، ایران اسلام جمهوریتینه باغلی "هامبورگ اسلام مرکزی"نین غیر-قانونی اعلان ائدیلیب باغلانماسینا بیر جاواب اولدوغونو یازیبلار.
آلمان حؤکومتی، هامبورگ اسلام مرکزینی "افراطی اسلامجی" تشکیلات اعلان ائدیب. آلمان حؤکومتی مرداد آیینین ۳-او چرشنبه گونو "هامبورگ اسلام مرکزی" و اونا باغلی تشکیلاتلارین آلمان اراضیسینده فعالیتینی قاداغان ائتدیگینی آچیقلامیشدی.
همین گون چوخ سایدا آلمان پولیسی لبنان حزب‌الله-ا دسته‌ک وئرمک ایله اتهام اولونان ایرانا باغلی بو مرکزین بینالارینا باسقین ائتمیشدی.
ایلگیلی‌لی خبرلر
لبنان، ایسرائیل‌ین قوزئیینه ۱۷۵ راکئت آتیب
سؤزوگئدن راکئتلرین هارا دوشدویو و خسارتلری ایله باغلی اطرافلی بیلگی وئریلمه‌ییب
غزه زولاغیندا اؤلن‌لرین سایی 42 مین نفره چاتیب
غزه زولاغیندا موناقیشه‌نین گرگینلشدیگی بیر ایل عرضینده 41،9 میندن چوخ اینسان اؤلوب.
