ایسرائیلین غزهیه گئجه سالدیریلاری؛ 22 اؤلو
ایسرائیل اوردوسونون غزه زولاغینا سالدیریلارینین 312-نجی گونونده آزی 21 سیویل ساکین هلاک اولوب.
ایسرائیل اوردوسونون غزه زولاغینا سالدیریلارینین 312-نجی گونونده آزی 21 سیویل ساکین هلاک اولوب.
گئجه بویو غزه زولاغینین موختلیف حیسهلرینی بومبالاییب.
ایسرائیلین غزه زولاغینین جنوبونداکی خان یونیس شهرینده بیر ائوی بومبالاماسی نتیجهسینده ان آزی 4 سیویل وطنداش، خان یونیسین شرقیندهکی بئنی سوهئیلا قصبهسینده ایسه سنایپئر آتشی نتیجهسینده 2 سیویل شخص هلاک اولوب.
غزهنین جنوبونداکی رفح شهرینده تل سلطان محلهسینه ائدیلن سالدیریلاردا ان آزی 3 نفر اؤلوب، چوخلو سایدا اینسان یارالانیب.
ایسرائیل ساواش اوچاقلاری غزه زولاغینین مرکزی حیسهسیندهکی نصیرات قاچقینلار دوشرگهسینده ابو ندا عائلهسینه عائید ائوی بومبالاییب.
هاوا سالدیریسیندان سونرا داغینتیلارا چئوریلن ائوده 7 نفر اؤلوب، چوخلو سایدا اینسان یارالانیب.
غزهنین مرکزی حیسهسینده یئرلشن مغازی قاچقینلار دوشرگهسیندهکی بیر ائوه ائدیلن هاوا سالدیریوندا 3 فیلیسطینلی حیاتینی ایتیریب، چوخ سایدا اینسان یارالانیب.
غزهنین شیمالینداکی بیت لاهیه بؤلگهسینده بیر ائوین هدفه آلینماسی نتیجهسینده 2 سیویل وطنداش حیاتینی ایتیریب.
ایسرائیل اوردوسو غزهنین شیمالینداکی صبرا و زئیتون محلهلرینی ده توپ آتشی ایله هدفه آلیب.
ایسرائیلین سالدیریلاریندا حیاتینی ایتیرنلرین اکثریتی اوشاقلار و قادینلاردیر.
ایسرائیلین 7 اوکتیابردان بری غزه زولاغینا تشکیل ائتدیگی سالدیریلاردا ان آز 16 مین 314-او اوشاق، 10 مین 980-ی قادین اولماقلا 39 مین 929 فیلیسطینلی حیاتینی ایتیریب، 92 مین 240 نفر ایسه یارالانیب.
داغینتیلار آلتیندا هله ده مینلرله اؤلو اولدوغو بیلدیریلرکن، اینسانلارین سیغیندیغی خستهخانا و تحصیل موسسیسهلری هدف آلیناراق سیویل آلتیاپی دا محو ائدیلیر.
ایلگیلیلی خبرلر
غزهده هلاک اولان لارین سایی 41 مینی اؤتوب
ایسراییلین غزهیه هوجوملاری نتیجهسینده هلاک اولانلارین سایی آرتماقدا داوام ائدیر.
