ریاض منصور بیرلشمیش میللتلری ایسرائیله قارشی تحریملر تطبیق ائتمهیه چاغیریب
ریاض منصور غزهده سیویل اهالییه قارشی داوام ائدن اؤلومجول سالدیریلارا گؤره بیرلشمیش میللتلر تهلوکهسیزلیک شوراسینی ایسرائیله قارشی تحریملار تطبیق ائتمهیه چاغیریب.

فیلیسطینین بیرلشمیش میللتلردکی دایمی نمایندهسی ریاض منصور غزهده سیویل اهالییه قارشی داوام ائدن اؤلومجول سالدیریلارا گؤره بیرلشمیش میللتلر تهلوکهسیزلیک شوراسینی ایسرائیله قارشی تحریملر تطبیق ائتمهیه چاغیریب.
منصور، بیرلشمیش میللتلر تهلوکهسیزلیک شوراسینین الجزایرین طلبی ایله کئچیریلن فؤوق العاده ایجلاسیندا ایسرائیل اوردوسونون غزه شهرینده مجبوری کؤچکونلرین سیغیندیغی مکتبه سالدیریسیندا ان آز 100 فیلیسطینلینین اؤلدوغوندن سونرا ائتدیگی چیخیشیندا، ایسرائیلین جان آلماغا داوام ائتدیگینی وورغولادی.
ایسرائیلین، اؤزونه قارشی سسلندیریلن قینامالارا " اهمیت وئرمدیگینی" ایفاده ائدن منصور، "گلین آچیق دئیک. ایسرائیل قرارلاری رد ائدیر، دارتیشمالارینیزی بئله دینلمیر" دئدی.
منصور ایجلاسدا دانیشارکن تلفونونا باخان ایسرائیلین بمت-دکی دایمی نمایندهسی گیلاد اردانا ایشاره ائدرک، "سیز دانیشارکن ایسرائیل نمایندهسی اونون تلفونو ایله اویناماغا اوستونلوک وئریر" دئدی.
ایسرائیلین فیلیسطینلیلره قارشی حرکتلرینین هئچ بیر ایضاحینین اولمادیغینی بیلدیرن منصور، "غزهده ائدیلنلرین محبوسلارلا هئچ بیر علاقهسی یوخدور. ایسرائیل اونلارا نه قدر آز اهمیت وئردیگینی گؤستردی. ایسرائیلین باش ناظیر بینیامین نتانیاهونون باشقا اؤنجهلیک وار" دئدی.
منصور بیرلشمیش میللتلر تهلوکهسیزلیک شوراسینا مراجعت ائدرک، "اویانین. ایسرائیلین مینلرله سیویل ساکینین اؤلدورولمهسینه، آجلیق و ایشگهنجهلره سون قویاجاغینی تصووور ائتمگین، سیز اونلاری دایاندیرماغا چاغیریرسینیز" دئدی.
بیرلشمیش میللتلر تهلوکهسیزلیک شوراسی عضولرینی وظیفهلریندن ال چکمهمهیه و صاحب اولدوقلاری گوجدن ایستیفاده ائتمهیه چاغیران منصور، "ایسرائیل ائتدیکلرینه گؤره نه واخت مسئولیت داشییاجاق؟ ساواش جینایتلریندن مسئول اولان ایسرائیله قارشی تحریملر تطبیق ائتمگین واختیدیر. قرارلارینیزی و بین الخالق حقوقو نه واخت حیاتا کئچیرجکسینیز، بو جینایتکارلارا تحریم تطبیق ائدیلمهلیدیر" دئدی.
ایلگیلیلی خبرلر

حماس اسیر موبادیلهسینین تاخیره سالیندیغینی بیلدیردی
حماس ایسراییلین عهده لیکلرینی یئرینه یئتیرمهمهسینه گؤره اسیر موبادیلهسینی تاخیره سالدی.