ایران 3 آوروپا اولکهسینین بیاناتینی گستاخ اولاراق دگرلندیریب
ایران اینگیلتره، آلمانیا و فرانسانین "ایرانین ایسراییله جاواب وئرمهمهسی طلبینی ایچرن بیرگه بیاناتینی "گستاخ" بیر گیریشیم اولاراق قیمتلندیریب.
ایران اینگیلتره، آلمانیا و فرانسانین "ایرانین ایسراییله جاواب وئرمهمهسی طلبینی ایچرن بیرگه بیاناتینی "گستاخ" بیر گیریشیم اولاراق قیمتلندیریب.
خاریجی ایشلر ناظیرلیگینین سؤزچوسو ناصر کنعانی، 3 آوروپا اؤلکهسینین یایدیغی بیرگه بیاناتا جاواب وئریب.
ایسراییلین غزهده تؤرتدیگی بشریته قارشی جینایتلره دقت چکن کنعانی، "ایران اؤز میللی تهلوکهسیزلیگینی مدافعه ائتمکده قرارلیدیر. آلمانیا، فرانسا و اینگیلتره باشدا اولماقلا، باتی اؤلکهلری ایسراییلین فیلسطین خالقینا تطبیق ائتدیگی محاربه جینایتلری و سوی قیریمینی دایاندیرماغا یونلیک تاثیرلی سعی گوسترمهسی لازم اولارکن، سیونیست رژیمی دستکلییرلر" دئدی.
سؤزوگئدن اوچ اؤلکهنین ایرانی تانینمیش حقوقلارینی حیاتا کئچیرمکدن واز کئچمهیه چاغیرماسینین اولوسلار آراسی سیاسته و قانونلارا عمل ائتمهین "گستاخ" بیر تشببوس اولدوغونو بیلدیرن کنعانی، بو جور یاناشمالارین بولگه ده عینی ایله ترور جینایتی تؤره دن ایسراییلی جسارتلندیرمکدن باشقا بیر مقصده خیدمت ائتمهیهجگینی ایفاده ائتدی.
کعنانی، "اگر آدلاری چکیلن اؤلکهلر (اینگیلتره، آلمانیا و فرانسا) حقیقتن بؤلگهده باریش و ثابتلیک آختاریرلارسا، ایسراییلدهکی عیرقچی رژیمین ساواش چیغیرتقانلیغی (جنگ طلبی) و ماجراجیلیغینا قارشی قطعیت ایله دایانمالیدیرلار. غزهیه قارشی ساواشی، ساوونماسیز فیلیسطین خالقینین، قادین و اوشاق لارین دهشتلی شکیلده اولدورمهسینی درحال دوردورمالیدیر." دئدی.
اینگیلتره، فرانسا و آلمانیا دوننکی اورتاق یازیلی آچیقلامادا، ایسرایلین ایرانا قارشی مدافعهسینه هر جور دستکی وئرمهیه داوام ائدهجکلرینی بیلدیرهرک، "ایرانی ایسراییله قارشی حربی هوجوم تهدیدلرینه سون قویماغا چاغیریریق" ایفاده لریندن ایستیفاده ائدیب.
بیاناتدا بئله بیر هوجومون بولگهسل تهلوکهسیزلیک اوچون جدی نتیجهلرینین اولاجاغی وورغولانیب.
ایلگیلیلی خبرلر
آذربایجان سیلاحلی قووهلرینین ناخچیواندا مانورو
ناخچیواندا یئرلشن توپچو بؤلمهلری گرچک ساواش شرایطینه اویغون تعلیملر گئچیریب
