حماسدان عاجیل توپلانتی چاغریسی
حماسدان وئریلهن یازیلی آچیقلامادا، "عرب بیرلیگی ایله ایسلام امکداشلیق تشکیلاتینی عاجیل توپلانتییا چاغیریریق" ایفادهسیندن ایستیفاده ائدیلدی
حماس، عرب بیرلیگی ایله ایسلام امکداشلیق تشکیلاتینی، غزهده ۱۰ آیی آشان مدتدیر داوام ائدن سویقیریمین دورماسی اوچون عاجیل توپلانتییا چاغیردی.
حماسدان وئریلهن یازیلی آچیقلامادا، "عرب بیرلیگی ایله ایسلام امکداشلیق تشکیلاتینی عاجیل توپلانتییا چاغیریریق" ایفادهسیندن ایستیفاده ائدیلدی.
آچیقلامادا، غزه خالقینا قارشی یئریدیلهن سویقیریمین دورماسی و ایسرائیل ایله سیاسی، تیجاری و دیپلوماتیک علاقهلرین کسیلمهسی اوچون تأثیرلی قرارلار آلینماسی لازیم اولدوغو ایفاده ائدیلدی.
بو مضموندا، ۱۱ نوامبردا سعودی عربیستانین پایتاختی ریاضدا تشکیل ائدیلهن ایسلام امکداشلیق تشکیلاتی- عرب بیرلیگی اورتاق ذیروهسینده آلینان قرارلارین (غزهدهکی محاصرهنین قیریلماسی و کؤمک گیریشلرینین تامین ائدیلمهسی) تطبیق اولونماسی چاغیریشی ائدیلدی.
آچیقلامادا آیریجا بیرلشمیش میللتلر تهلوکهسیزلیک شوراسینا عاجیل ییغینجاق تشکیل ائتمه و ایسرائیلی، غزهده ایشلدیگی سویقیریمی دوردورماغا مجبور ائدجک قرارلار آلما چاغیریشی ائدیلدی.
بینالخالق یارغی سیستمینه ده سسلهنیلهن آچیقلامادا، بو سیستمین واسطهلرینین فعالیته گئچیریلمهسی و صهیونیست ساواش سوچلولارینین محاکیمه اولونماسی لازیم اولدوغو ایفاده ائدیلدی. بو مضموندا ۱۰ آگوستدا غزه شهریندهکی التبیین مکتبی باشدا اولماق اوزره وطنداشلارا قارشی ایشلهنهن بوتون قیرغینلاردا ایسرائیل اوردوسونون بارماغی اولدوغونون اورتایا چیخاریلماسی اوچون بینالخالق بیر کمیسیون گؤندریلمهسی لازیم اولدوغو بیلدیریلدی.
غزهده ایشلهنهن قیرغینلاردان آمریکا بیرلشمیش دؤولتلرینین بیر باشا مسئول اولدوغو ایفاده ائدیلهن آچیقلامادا، "باشدا آمریکا اولماق اوزره غرب اؤلکهلرینین سیاسی و عسگری دستگی اولماسایدی ایسرائیل غزهده قیرغین و ساواش سوچو ایشلهمهیه داوام ائده بیلمزدی. وئریلهن بو دستک، بو قیرغینلارا بیر باشا اورتاق اولماق معناسینی وئریر" دگرلندیرمهسی وئریلدی.
اؤته یاندان حماس، آراچیلاردان، ایسرائیل ایله یئنی موذاکیره دؤورونه گئتمک یئرینه، آمریکا باشقانی جو بایدنین غزهده آتیشکس اوچون تقدیوئردیگی تکلیفی تطبیق ائدجک بیر پلان سونمالارینی ایستهدی.
آمریکا، مصر و قطرین ۸ آگوستدا نوماییش ائتدیکلری اورتاق آچیقلاما ایله ائتدیکلری موذاکیرهلره یئنیدن باشلانماسی چاغیریشینین آردیندان، حماسان مؤوضوع ایله باغلی اچیقلاما گلدی.
آچیقلامادا آراچیلاردان، یئنی موذاکیره دؤورونه گیرمک یئرینه آمریکا باشقانی جو بایدنین آتیشکس اوچون وئردیگی و حرکتین ده قبول ائتدیگی تکلیفین تطبیق ائدیلمهسی اوچون بیر پلان سونمالاری ایستهنیلدی.
بایدن ۳۱ میده ایسرائیلین تکلیفی اولدوغونو وورغولادیغی ۳ مرحلهلی آتیشکس پلانی آچیقلامیشدی. پلان قیساجا قالیجی آتیشکسی، ایسرائیلین غزهنین هر یئریندن چکیلمهسینی، گیروولارین و محبوسلارین قارشیلیقلی قایتاریلماسینی، یئرلریندن ائدیلهن فیلیسطینلیلرین غزهیه گئری قاییدیشی، اینسانی کؤمکلرین کسیلمز و کافی سویهده چاتدیریلماسینی و غزهنین یئنیدن آبادلیغینی احتیوا ائدیردی.
ایسرائیلین غزه یولاغینا ۷ اکتبردان بو یانا حیاتینی ایتیرهن فیلیسطینلیلرین ساییسی، چوخو اوشاق و قادین اولماق اوزره ۴۰ مینه دایاندی.
