غزهده آتیشکس موذاکیره ائدیلهجک
"بو ایکی طرفی جمعه آخشامی گونو ماسادا بیر آرایا گتیرهجک پلانلاری پوزاجاق هئچ بیر شئیین اولماسینی ایستهمیریک"
غزهده آتیشکس موذاکیرهلری اوچون طرفلرین ۱۵ آگوستدا قطرین پایتاختی دوحه و یا مصرین پایتاختی قاهیرهده بیر آرایا گلهجگی بیلدیریلدی.
آمریکا بیرلشمیش دؤولتلرینده آغ ائو میللی تهلوکهسیزلیک ارتباط مشاویری جان کربی، تلهکنفرانس یولویلا تشکیل ائتدیگی مطبوعات توپلانتیسیندا غزهده اولاسی آتیشکس مدتینه باغلی سون وضعیتی قیمتلندیردی.
کربی، ۸ آگوستدا آمریکا، مصر و قطرین اورتاق آچیقلاماسینین آردیندان طرفلرین حرکته گئچدیگینی و ان قیسا زاماندا موذاکیرهلر اوچون گؤروشمه یولوندا بیر ایرادهنین اورتایا چیخدیغینی ایفاده ائتدی.
بو چرچیوهده ۱۵ آگوستدا دوحه و یا قاهیرهده طرفلرین بیر آرایا گلمهسی مؤوضوعوندا راضی قالیندیغینی وورغولادی.
کربی، موذاکیره گؤروشمهلرینه ایسرائیلین بیر هیئت گؤندرجگینی آچیقلادیغینی و "حماسین هیئت گؤندرجگینین" قطر طرفیندن تعهد ائدیلدیگینی سؤیلهدی.
"بونون، چوخ فایدالی نتیجهلر اورتایا چیخارماسینی اومود ائدیریک. بو ایکی طرفی جمعه آخشامی گونو ماسادا بیر آرایا گتیرهجک پلانلاری پوزاجاق هئچ بیر شئیین اولماسینی ایستهمیریک" دئیهن کیبی، آمریکانین دا ییغینجاقدا ایشتیراک ائدجگیینی و بیر آتیشکس آنلاشماسینا بیر آن اول چاتیلماسی لازیم اولدوغونو وورغولادی.
کربی، آمریکا، مصر و قطر طرفیندن یاییملانان اورتاق آچیقلامادا ایشتیراک ائدن "غزهده بیر آن اول آتیشکسه چاتیلماسی" چاغیریشینا تپکی وئرهن فاناتیک ساغچی ایسرائیل مالیه ناظیری بتسلایل سموتریچی ده تنقید ائتدی و
"سموتریچ کیمی بعضی مخالیفلر بو آنلاشمانین حماسا تسلیم اولماق اولدوغونو یا دا اسیرلرین محکوملارلا دییشدیریلمهمهسی لازیم اولدوغونو مدافعه ائدیر. سموتریچ تمل اولاراق بو ساواشین سونسوزا قدر سورمهسینی تکلیف ائدیر و اسیرلرین حیاتلارینین اهمیتلی اولمادیغینی مدافعه ائدیر. بونلار سهو و گرکسیز دگرلهندیرمهلر" دئیه دانیشدی.
آمریکا، مصر و قطر، یاییملادیفلاری اورتاق آچیقلامادا، ایسرائیل و حماسا غزهده آتیشکس تامین ائدیلمهسی و اسیر موبادیلهسی اوچون ۱۵ آگوستدا قاهیره و یا دوحهده موذاکیرهلره یئنیدن باشلانماسی چاغیریشی ائتمیشدی. اورتاق آچیقلامایا تورکیه داخیل بؤلگهدهکی بیر چوخ اؤلکهدن دستک آچیقلاماسی گلمیشدی.
