عربیستاندان هنیه سوءقصدینه باغلی آچیقلاما
عربیستان، ایسماعیل هنیهنین تهران سفری اثناسیندا اؤلدورولمهسینین ایرانین اگمنلیگینین آچیق بیر پوزونتوسو اولدوغونو و منطقه باریشی ایله تهلوکهسیزلیگه تهدید میدانا گتیردیگینی ایفاده ائتدی
سعودی عربیستان، حماس سیاسی دفتری باشقانی ایسماعیل هنیهنین تهران سفری اثناسیندا اؤلدورولمهسینین ایرانین اگمنلیگینین آچیق بیر پوزونتوسو اولدوغونو و منطقه باریشی ایله تهلوکهسیزلیگه تهدید میدانا گتیردیگینی ایفاده ائتدی.
سعودی عربیستان خاریجی ایشلر ناظیر کؤمکچیسی ولید الخریجی، ایسلام امکداشلیق تشکیلاتینین، ایسرائیلین فیلیسطین خالقینا قارشی هوجوملارینی و ایرانین اگمنلیگینه قارشی پوزونتوسونو دانیشماق اوزره سعودی عربیستانین جده شهرینده تشکیل ائدیلهن ییغینجاغیندا دانیشدی.
خریجی، ریاض رهبرلیگپینین، ایسرائیلین فیلیسطین تورپاقلاری ایچینده و خاریجینده فیلیسطین خالقینا ایستیقامتلی آشکار هوجوملاری و حقوقا ضد تطبیقلری سببی ایله فیلیسطین تورپاقلاریندا آرتان حادثهلرین جدیتینین فرقینده اولدوغونو ایفاده ائتدی.
ناظیر کؤمکچیسی، حماس لیدئری هنیهنین تهرانا ائتدیگی سفر اثناسیندا اؤلدورولمهسینین، ایرانین اگمنلیگینین، تورپاق بوتونلوگونون، میللی تهلوکسیزلیگینین، اولوسلارآراسی حقوقون آچیق بیر پوزونتوسو اولدوغونو و منطقه باریشی ایله تهلوکهسیزلیگیه تهدید میدانا گتیردیگینی قئید ائتدی.
خریجی آیریجا، سعودی عربیستانین فیلیسطین مسئلهسینه ایستیقامتلی قرارلی دوروشوندان حرکتله، ایسرائیل گوجلرینین وطنداشلارا ایستیقامتلی هوجوملارینی قیناماقدا اولدوغونو، دؤولتلرین اگمنلیگینه ایستیقامتلی هر جور هوجومو و یا هر هانسی بیر دؤولتین داخیلی ایشلرینه موداخیلهنی رد ائتدیگینی وورغولادی.
حماس سیاسی دفتری باشقانی ایسماعیل هنیه، ۳۱ جولایدا، ایرانین پایتاختی تهراندا سوءقصده اوغرامیشدی.
