پزشکیان مکرون ایله تلفندا دانیشدی
"اگر باتیلی اؤلکهلر بؤلگهده تهلوکهسیزلیک پروبلئمینین قاباغینا گئچمک ایستییرلرسه، ایسرائئیله دستگی درحال سونلاندیرمالی"
ایران جمهورباشقانی مسعود پزشکیان، باتیلی اؤلکهلرین ایسرائئیله دستک وئرمهیی سونلاندیرمالاری لازیم اولدوغونو سؤیلهدی.
ایران رسمی خبر آژانسی ایرنایا گؤره، مسعود پزشکیان، فرانسالی قونومداشی امانوئل مکرون ایله تلفندا دانیشدی.
پزشکیان تلفن دانیشماسیندا،
"اگر باتیلی اؤلکهلر بؤلگهده تهلوکهسیزلیک پروبلئمینین قاباغینا گئچمک ایستییرلرسه، ایسرائئیله دستگی درحال سونلاندیرمالی" دئدی.
آمریکا و باتیلی اؤلکهلرین ایسرائئیلی ایشلهدیگی سویقیریم سوچو سببی ایله قینایاجاقلاری یئره دستکلدیکلرینی دیله گتیرهن پزشکیان، "صهیونیست رژیم، غزهنین مظلوم و ساوونماسیز خالقینا قارشی جینایت و ترور حرکتلرینین یانیندا ایرانین رسمی قوناغی (حماس سیاسی دفتری رئیسی اسماعیل) هنیهیه (گئچهن هفته پایتاخت تهراندا) تشکیل ائدیلهن سوءقصدله ده بؤلگهده یانغین تؤرتمهنین آرخاسیندا" ایفادهلریندن ایستیفاده ائتدی.
فرانسا جمهورباشقانی مکرون ایسه تلفن دانیشماسیندا، بؤلگهده یوکسهلهن گرگینلیکدن دویدوغو راحاتسیزلیغی دیله گتیردی.
الیزه ساراییندان وئریلن آچیقلامادا، مکرونون تلفن دانیشماسیندا، بؤلگهده گرگینلیین آرتماسیندان دویدوغو "جدی راحاتسیزلیغی" دیله گتیردیگی کؤچورولهرک "(مکرون)، جمهورباشقانی پزشکیانی، ایران داخیل هئچ کیمین منفعتینه اولمایاجاق و بؤلگهده ثابتلیگه قالیجی ضرری اولاجاق یئنی بیر عسگری گرگینلیگین دآرتماسینا مانع تؤرتمک اوچون الیندن گلهنی ائتمهیه چاغیردی" ایفادهسینه یئر وئریلدی.
مکرونون، ایرانلی لیدئره، "قارشیلیق منطیقیندن اوزاقلاشیب مولکی خالقین قورونماسی لازیم اولدوغو"نو چاتدیردیغی یازیلان آچیقلامادا، "بیر قچاتیشمانین آلوولانماسینا مانع تؤرتمک آدینا، ایران آیریجا دستکلدیگی استقرارسیزلاشدیریجی آکتورلارا ماکسیموم اعتیدال چاغریسی ائتمه تعهدو وئرمهلی" دئییلدی.
ایلگیلیلی خبرلر
آذربایجان سیلاحلی قووهلرینین ناخچیواندا مانورو
ناخچیواندا یئرلشن توپچو بؤلمهلری گرچک ساواش شرایطینه اویغون تعلیملر گئچیریب
