ایسرائیلین غزهیه سالدیریلاری داوام ائدیر
فیلیسطین رسمی آژانسی وفانین خبرینه گؤره، ایسرائیل اوردوسو غزهنین دوغوسوندا یئر آلان تفاح محلهسینده بیر ائوی بومبالادی. هوجومدا بیری اوشاق، بیری قادین ۳نفر حیاتینی ایتیردی
ایسرائیل اوردوسو، غزه یولاغینین بیر چوخ بؤلگهسینه قورو، هاوا و دنیزدن هوجوملارینا ۳۰۶.جی گونونده داوام ائدرکهن هوجوملاردا اؤلن و یارالانانلار اولدوغو بیلدیریلدی.
فیلیسطین رسمی آژانسی وفانین خبرینه گؤره، ایسرائیل اوردوسو غزهنین دوغوسوندا یئر آلان تفاح محلهسینده بیر ائوی بومبالادی. هوجومدا بیری اوشاق، بیری قادین ۳نفر حیاتینی ایتیردی.
ایسرائیل عسگری واسطهلری، غزه یولاغینین اورتاسینداکی بریج مهاجیر دوشرگهسینین دوغوسونداکی فیلیسطینلیلرین ائولرینه آتیش ائتدی. آغیر آتیش نتیجهسینده یارالانان فیلیسطینلیلر دیر البلح شهریندهکی اقصی شهیدلری خستهخاناسینا نقل ائدیلدی.
نصیرات مهاجیر دوشرگهسینین قوزئی باتیسینداکی غزه وادیسی کؤرپوسو و اطرافی ایسرائیل هوجوم قاییقلاری طرفیندن بومبالانارکهن، ساواش طیارهلری ده دوشرگهنین صلاح الدین جادهسینده اولان بیر ائوی هدف آلدی.
زیتون، تل الهوا محلهلری ایسرائیل توپچولارینین هدفی اولدو. غزه یولاغینین گونئییندهکی خان یونس و اورتاسینداکی دیر البلح شهری ده ایسرائیل ساواش طیارهلری طرفیندن بومبالاندی.
غزهنین قوزئییندهکی بیت لاهیا بؤلگهسینین دوغوسوندا اولان شیخ زاید بینالارینین اطرافی و رفح شهرینین باتیسینداکی بؤلگهلر ده گئجه بویونجا بومبالاندی.
