تکجه ایران دئییل، حزب‌الله و یمن ده ایسرائیل‌ه جاواب وئره‌جک
حزب‌الله حرکاتی‌نین باش کاتیبی حسن نصرالله ایسرائیلین ۳۰ جولای‌دا لبنان-ا حیاتا گئچیردیگی هوجوما تک‌باشینا و یا ایرانین دسته‌کله‌دیگی دیگر قروپلارلا بیرلیکده جاواب وئره‌جکلرینی دئدی
حزب‌الله حرکاتی‌نین باش کاتیبی حسن نصرالله، ایسرائیلین ۳۰ جولای‌دا لبنان‌دا حیاتا گئچیردیگی هوجوما، تک‌باش‌لارینا و یا ایرانین دسته‌کله‌دیگی دیگر قروپلارلا بیرلیکده جاواب وئره‌جکلرینی بیلدیردی.
حسن نصرالله جولای آیی‌نین ۳۰-دا لبنان‌ین باشکندی بیروت‌دا، ایسرائیل اوردوسو طرفیندن اؤلدورولن حزب‌الله-ین یوکسک سویه‌لی فرمانده‌لریندن "فواد شوکور"ون اؤلومونون ۷-جی گونونده گئچیریلن مراسیمه ویدئو کونفرانس ایله قاتیلیب.
نصرالله چیخیشیندا ایسرائیل اوردوسونون ۳۰ جولای‌دان بری گؤزله‌دیگی جاوابلا باغلی "جاوابیمیز گوجلو و تأثیرلی اولاجاق. اورتایا چیخاجاغینی گؤزله‌ییریک. اینتیقامی یا تک‌باشینا، یا دا دیگر جبهه‌لرله (یمن‌ده حوثی‌لر و عراق‌دا شیعه شبه نظامی‌لر) بیرلیکده حیاتا گئچیرجه‌ییک" دئدی.
نصرالله بیر داها وورغولاییب کی، ایرانین باشکندی تهران‌دا حماس لیدئری اسماعیل هنیه‌نین اؤلدورولمه‌سینه گؤره تکجه ایران دئییل، حزب‌الله و یمن ده ایسرائیل-ه جاواب وئره‌جک.
ایلگیلی‌لی خبرلر
عراق‌ین شیمالیندا 14 ترورچو ضررسیزلشدیریلیب
عراق‌ین شیمالیندا حیاتا کئچیریلن هاوا عملیات‌لاری نتیجه‌سینده 14 پ.کا.کا ترورچوسو ضررسیزلشدیریلیب.
