غزهده سون ۲۴ ساعاتدا ۲۴ نفر اؤلدورولدو
غزهدهکی فیلیسطین ساغلیق ناظیرلیگیندن وئریلهن آچیقلامادا، ایسرائیلین غزه یولاغینا ۳۰۶ گوندور آرالیقسیز داوام ائدن هوجوملارینا باغلی معلومات وئریلدی
ایسرائیل اوردوسونون غزه یولاغینا ۷ اکتبردان بو یانا تشکیل ائتدیگی هوجوملاردا قتل ائدیلهنلرین ساییسی سون ۲۴ ساعاتدا ۲۴ آرتاراق ۳۹ مین ۶۷۷ نفره چیخدی.
غزهدهکی فیلیسطین ساغلیق ناظیرلیگیندن وئریلهن آچیقلامادا، ایسرائیلین غزه یولاغینا ۳۰۶ گوندور آرالیقسیز داوام ائدن هوجوملارینا باغلی معلومات وئریلدی.
آچیقلامادا، ایسرائیل اوردوسونون سون ۲۴ ساعاتدا غزهنین مختلیف بؤلگهلرینه تشکیل ائتدیگی هوجوملاردا "۲ قیرغین" گئرچکلشدیردیگی، بو هوجوملاردا ۲۴ فیلیسطینلینین داها اؤلدورولدوگو، ۱۱۰ فیلیسطینلینین یارالاندیغی ایفاده ائدیلدی.
ایسرائیلین ۷ اکتبردان بو یانا غزه یولاغینا تشکیل ائتدیگی هوجوملاردا حیاتینی ایتیرهنلرین ساییسینین ۳۹ مین ۶۷۷ نفره، یارالی ساییسینین دا ۹۱ مین ۶۴۵ نفره چاتدیغی قئید ائدیلدی.
آچیقلامادا آیریجا هله داغینتی آلتیندا و یول کنارلاریندا اؤلولر اولدوغو آنجاق ایسرائیل گوجلرینین مانع تؤرتمهسی سببی ایله ساغلیق قروپلاری ایله مولکی مدافعه مامورلارینین جنازهلره چاتابیلمهدیگی تکرارلانیلدی.
