غلامرضا رسائی اعدام ائدیلدی
مهسا امینی اعتراضلاریندا نادر بیرامینی (صحنه شهرینده سپاهین اطلاعات رئیسی) اؤلدوردوگو سوچوندان محاکمه اولان غلامرضا رسائینین حکمی اجرا ائدیلدی
ایراندا، مهسا امینی حادثهلرینده سپاه مامورونو اؤلدورمکله سوچلانان اعتراضچی اعدام ائدیلدی.
۲۰۲۲.جی ایلدهکی مهسا امینی اعتراضلاریندا نادر بیرامینی (صحنه شهرینده سپاهین اطلاعات رئیسی) اؤلدوردوگو سوچوندان محاکمه اولان غلامرضا رسائینین حکمی اجرا ائدیلدی.
خبر آژانسی ایسنایا گؤره، قضاوت ارکی، بو مؤوضوع ایله باغلی یازیلی بیر آچیقلاما وئردی.
آچیقلامایا گؤره، مهسا امینی اعتراضلاری جریانیندا نادر بیرامینی (صحنه شهرینده سپاهین اطلاعات رئیسی) بیچاقلایاراق اؤلدوردوگو سوچلاماسی ایله نظارته آلینان رسائی حاقینداکی اعدام قراری کرمانشاه شهریندهکی بیر حبس خانادا اجرا ائدیلدی.
محکمه، رسائی حاقیندا ۷ سپتامبردا اعدام قراری وئرمیشدی.
ایرانین پایتختی تهراندا ۱۳ سپتامبر ۲۰۲۲-ده "اخلاق پلیسی" اولاراق بیلینهن ارشاد اکیبلری طرفیندن نظارته آلیندیقدان سونرا راحاتسیزلاناراق خستهخانایا قالدیریلان ۲۲ یاشینداکی مهسا امینی، ۳ گون سونرا حیاتینی ایتیرمیشدی.
امینینین اؤلومو اوزرینه مملکتی ساققیزدا ۱۷ سپتامبر ۲۰۲۲-ده باشلایان گؤستریلر، اؤلکهیه یاییلاراق رهبرلیک قارشیدی اعتراضلارا چئوریلمیشدی.
آیلارلا سورهن حادثهلرده تخمیناً ۵۰۰ اعتراضچی ایله ۱۰۰دن چوخ امنیت مامورو حیاتینی ایتیرمیشدی.
