ایران: هنیه سوءقصدینه باغلی هئچ کیم توتولماییب
ایران قضاوت ارکی سؤزچوسو اصغر جهانگیر، "بعضی قزئت و سوسیال مئدیا سایتلاریندا، توتولانلار اولدوغونا دایر سؤیلنتیلر وار. هله بو مؤوضوع باغلی هر هانسی بیر گؤزآلتی یوخ" دئدی
ایران قضاوت ارکی سؤزچوسو اصغر جهانگیر، حماس سیاسی دفتری باشقانی ایسماعیل هنیه سوءقصدینه باغلی توتولان هئچ کیمسه اولمادیغینی سؤیلهدی.
ایران دؤولت تلویزیونونا گؤره، جهانگیر، باشکند تهراندا تشکیل ائتدیگی مطبوعات کنفرانسیندا، هنیه سوءقصدینه باغلی قضاوت مدتینه دایر آچیقلامالار وئردی.
جهانگیر، "بعضی قزئت و سوسیال مئدیا سایتلاریندا، توتولانلار اولدوغونا دایر سؤیلنتیلر وار. هله بو مؤوضوع باغلی هر هانسی بیر توتولان یوخ" دئدی.
حادثهدن همن سونرا سلاحی قوتلر، قضاوت باشقانینین تعلیماتی ایله عسگری ساوچیلیغین (دادستانین) سوروشدورما باشلاتدیغینی و دلیل توپلاما مدتینین داوام ائتدیگینی دیله گتیرهن ایرانلی مسئول، آراشدیرمالارین تاماملانماسی سونراسیندا آچیقلاما وئریلهجگینی قئید ائتدی.
حماس سیاسی دفتری باشقانی هنیه، ۳۱ جولایدا ایرانین باشکندی تهراندا سوءقصده اوغرامیشدی.
ایلگیلیلی خبرلر
ایسرائیل، غزهنین مرکزی و گونئی بؤلگهلرینده ۶ فیلیسطینلییی اؤلدوردو
ایسرائیل توپچو واحیدلری غزهنین گونئییندکی رفح شهرینین مئواسی بؤلگهسینده بیر ائوی آتشه توتوب
