روسیه آبخازیادا دونانما اوچون یئنی دایمی مرکز یارادیر
گورجوستان پرزیدنتی "سالومه زورابیشویلی" روسیهنین آبخازیادا دونانما اوچون یئنی دایمی مرکز یاراتماغا چالیشدیغینی بیان ائتدی
گورجوستان پرزیدنتی "سالومه زورابیشویلی" روسیهنین آبخازیادا دونانما اوچون یئنی دایمی مرکز یاراتماغا چالیشدیغینی بیان ائدهرک "بو، تکجه بیزیم دئییل، بوتون قارا دنیز تهلوکهسیزلیگی اوچون پروبلئمدیر" دئییب.
پایتخت تفلیسده یئرلی و اولوسلار آراسی مطبوعات نومایندهلری اوچون کئچیردیگی گؤروشده سالومه زورابیشویلی روسیانین گورجوستاندان بیرطرفلی موستقیللیگینی اعلان ائدن آبخازیادا قارا دنیز ساحلینده روسیه دونانماسی اوچون دایمی یئنی مرکز یاراتماق قرارینی تنقید ائدهرک بیلدیریب: "روسلار بو ساحهده ایلکین ایشلره باشلاییب. بو، جدی پروبلئمدیر، تکجه بیزیم دئییل، بوتون قارا دنیز تهلوکهسیزلیگی اوچون".
گورجوستان پرزیدنتی سالومه زورابیشویلی اؤلکهنین باش ناظیری ایراکلی کوباخیدزه و اونون حکومتینی روسیانین ایشغالی آلتیندا اولان آبخازیا و گونئی اوستیا بؤلگهلرینه قارشی افکتیو سیاست یوروتمهمکده اتهام ائدیب.
بو ایکی بولگهده یاشایانلارا گورجوستان وطنداشلیغینین قایتاریلماسینین واجیبلیگینی سؤیلهین پرزیدنت بونو همین بؤلگهلرده یاشایان اهالینین گورجوستانا ایستیقامتینین آرتدیغی ایله اساسلاندیریب".
