پزشکیان: سوءقصد جاوابسیز قالمایاجاق

ایران جمهورباشقانی مسعود پزشکیان، ایسرائیلین حماس لیدئری ایسماعیل هنیه‌یه گئچه‌ن هفته اؤلکه‌سینده تشکیل ائتدیگی سوءقصدین "جاوابسیز قالمایاجاق بؤیوک بیر خطا" اولدوغونو سؤیله‌دی.

ایران دؤولت تلویزیونونون خبرینه گؤره، جمهورباشقانی پزشکیان، باشکند تهرانا سفر ائد‌ن اردن خاریجی ایشلر ناظیری ایمن الصفدینی قبول ائتدی.

گؤروشمه‌ده، ایراندا رسمی قوناق اولاراق اولان حماس سیاسی دفتری باشقانی هنیه‌یه سوءقصدین بین الخالق حقوقون پوزونتوسو اولدوغونو ایفاده ائد‌ن پزشکیان، سویءقصدی "ایسرائیل رژیمینین جاوابسیز قالمایاجاق بؤیوک بیر خطاسی" اولاراق تانیملادی.

پزشکیان، "صهیونیستلرین بو حیاسیزلیغی جاوابسیز قالمایاجاق" ایفاده‌سینی ایشلتدی.

ایرانین خاریجی سیاستینین بؤلگه‌ده و دونیادا ثابتلیگی اؤنجه‌له‌دیگینی ایفاده ائد‌ن پزشکیان، ایسرائیلین فیلیسطینلیلره قارشی هوجوملارینین دوردورولماسی اوچون ایسلام اؤلکه‌لرینین اورتاق حرکت ائتمه‌سینین اهمیتینی وورغولادی.

بؤلگه‌ده یوکسه‌له‌ن تضییقی دانیشماق اوزره ایرانا سفر ائتدیگینی بیلدیرن صفدی ایسه، اردن کرالی ۲.جی عبدالله طرفیندن، تهران ایله امان آراسینداکی آنلاشیلمازلیقلارین آشیلماسی اوچون شفاف و آچیق بیر دیالوگ قورماقلا وظیفه‌لندیریلدیگینی دیله گتیردی.

اردن کرالی عبدالله‌ین سلام و باشاری دیلکلرینی پزشکیانا چاتدیران صفدی،

"اردن، صهیونیست رژیمین غزه‌ده‌کی وحشیجه سالدیرقانلیغینی باشیندان بری قینادی" ایفاده‌سیندن ایستیفاده ائتدی.

ایسرائیلین هنیه‌یه تشکیل ائتدیگی سوءقصدی ده قینادیقلارینی سؤیله‌یه‌ن صفدی، ایسرائیل باش ناظیری بنیامین نتانیاهونون سوءقصدله بؤلگه‌ده‌کی چاتیشمالارین احاطه‌سینی گئنیشلتمک ایستدیگینه دقت چکدی.

اردنلی ناظیر، بو سفری ایسرائیلدن ایرانا یا دا ایراندان ایسرائیله مئساژ چاتدیرماق اوچون ائتدیگی یولوندا‌کی خبرلری یالانلادی.