غزه‌ده اؤلن فیلیسطین‌لیلرین سایی آرتماقدادیر
ایسراییل غزه‌ده جینایت تؤردمه‌یه داوام ائدیر.
ایسراییل اوردوسونون 2023-جو ایل اوکتبرین 7-دن اعتباراً غزه زولاغینا تشکیل ائتدیگی هوجوم‌لار نتیجه‌سینده اؤلن‌لرین سایی 39623 نفره یوکسلیب.
غزه-ده‌کی فیلیسطین ساغلیق ناظیرلیگیندن وئریلن آچیقلامادا ایسراییلین غزه زولاغینا 304 گون‌دور تشکیل ائتدیگی هوجوم‌لارلا باغلی معلومات وئریلیب.
آچیقلامادا ایسراییل اوردوسونون غزه زولاغیندا گون عرضینده تؤرتدیگی هوجوم‌لاردا داها 40 فیلیسطین‌لی‌نین حیاتینی ایتیردیگی، 717 فیلیسطین‌لی‌نین ایسه یارالاندیغی بیلدیریلیب.
ایسراییلین اوکتبرین 7-دن اعتباراً غزه زولاغینا تشکیل ائتدیگی هوجوم‌لاردا اؤلن‌لرین سایی‌نین 39623 ، یارا‌لی‌لارین سایی‌نین ایسه 91469 نفره یوکسلدیگی قئید ائدیلیب.
آچیقلامادا داغینتی‌لار آلتیندا و یول کناریندا هله ده اؤلولرین اولدوغو، لاکین ایسراییل عسگرلری‌نین مانعه‌سی سببیندن طبی قروپ‌لارین و سیویل ساوونما ایشچی‌لری‌نین جسدلرین اولدوغو بؤلگه‌یه داخیل اولا بیلمه‌دیگی وورغولانیب.
ایلگیلی‌لی خبرلر
غزه‌ده ایسرائیل‌ین باشلاتدیغی قیرغیندان بیر ایل اؤتور
سوی‌قیریمین بیرینجی ایلینده تورکیه‌نین ۸۱ ویلایتینده فیلیسطین-ه دسته‌ک یوروشو گئچیریلیب
