ایران: ایسرائیل بؤیوک قیرمیزی خطی کئچدی، قطعیتله جواب وئرجگیک
باقری: ایسرائیل پیس عمللرینی و منطقه‌ده ثابت‌لیک و تهلوکه‌سیزلیگی پوزاجاق حرکتلرینی آرتیراجاق، ایسلام اؤلکه‌لری بونا سس‌سیز قالمامالی‌دیر
ایران خاریجی ایشلر ناظیرینین کؤمک‌چی‌سی علی باقری، ایسرائیلین تهران‌داکی حماس سیاسی دفترینین صدری ایسماعیل هنیه‌نی هدفه آلاراق ایرانا قارشی "بؤیوک قیرمیزی خطی" کئچدیگینی و اؤلکه‌سینین تل-آویوه قارشی "قطعیتله جواب وئرجگینی" بیلدیریب.
ایران خاریجی ایشلر ناظیرلیگینین یازی‌لی آچیقلاماسینا گؤره، خاریجی ایشلر ناظیرینین کؤمک‌چی‌سی باقری، تهران‌دا هنیه‌نین قتلی ایله باغلی پاکیستانین خاریجی ایشلر ناظیری محمود اسحاق‌دار ایله تلفونلا دانیشیب.
هنیه‌نین ایرانین قوناغی اولاراق تهران‌دا اولدوغونا دقت چکن باقری، ایسرائیلین سالدیریلاری‌نین یمن، لبنان و تهرانی دا احاطه ائتدیگینی بیلدیریب.
ایسرائیلین تهران‌دا هنیه‌نی هدف آلاراق ایرانین "بؤیوک قیرمیزی خطینی" کئچدیگینی بیل‌دیر‌ن باقری بو حرکتین ایکی نتیجه‌سی اولاجاغینی بیلدیریب.
او قئید ائدیب کی، بونلاردان بیری "ایرانین بو جنایته قطعی جوابی"، دیگری ایسه "ایسرائیلین پیس عمللری و منطقه‌ده ثابت‌لیک و تهلوکه‌سیزلیگی پوزاجاق حرکتلرینی آرتیرماسی اولاجاق و ایسلام اؤلکه‌لری بونا سس‌سیز قالمامالی‌دیر."
باقری پاکیستانین خاریجی ایشلر ناظیری دارالسلام اؤلکه‌لری آراسین‌دا فؤوق ا‌لعاده ایجلاس کئچیرمگی تکلیف ائدیب و ایسلام آباددان بو تکلیفی دستکله‌مه‌سینی و ایسرائیلین حرکتلرینین داوام ائتمه‌سینین قارشی‌سینی آلماق اوچون اؤز ایمکانلارین‌دان ایستیفاده ائتمه‌سینی ایسته‌ییب.
پاکیستان‌لی ناظیر هنیه‌نین شهادتی ایله باغلی باش ساغلیغی وئرسه ده، ایرانین ایسلام اؤلکه‌لری آراسین‌دا فؤوق ا‌لعاده توپلانتی تکلیفینی آلقیشلاییب.
دار، "موسلمان خالقلارین صیونیست رئژیمین جینایتلرینه قارشی اویانماسینین ضروریلیگینی" وورغولایاراق، تهران‌دا ایسماعیل هنیه‌نین اؤلدورولمه‌سینین "بین الخالق حقوقون و ایرانین اقتدارینین آچیق شکیل‌ده پوزولماسی" اولدوغونو قئید ائدیب.
