حماس سیاسی دفترینین رهبرینی سئچمک اوچون مصلحت‌لشیر
هنیه‌نین اؤلدورولمه‌سین‌دن سونرا سیاسی دفتر و دانیشما شوراسی درحال یئنی رهبرین سئچیلمه‌سی اوچون مصلحتلشمه‌لره باشلاییب.
هنیه‌نین اؤلدورولمه‌سین‌دن سونرا، حماسین سیاسی دفتر و دانیشما شوراسی درحال یئنی رهبرین سئچیلمه‌سی اوچون مصلحتلشمه‌لره باشلاییب.
حماسین آچیقلاماسیندا هنیه‌نین تکجه حماسین دئییل، فیلیسطین خالقینین، عرب و ایسلام دونیاسینین و بوتون دونیانین ایتکی‌سی اولدوغو، دونیانین هر یئرین‌دن گلن همرای‌لیک گؤرونتولری بونون ان یاخشی ثبوت اولدوغو بیلدیریلیب.
آچیقلامادا هنیه‌نین اؤلدورولمه‌سینین حماسین و فیلیسطین مقاومتینین عزم و ایراده‌سینی آرتیرماق‌دان باشقا بیر ایش گؤرمیه‌جگی و اونون قانی‌نین مقاومت آتشینی داها دا آلوولاندیراجاغی بیلدیریلیب.
آچیقلامادا مطبوعات‌دا و سوسیال مئدیا پلاتفورملارین‌دا بعضی شخصیتلرین حرکاتین رهبرلیگنه تعیین اولونماسی ایله باغلی خبرلرین اساس‌سیز اولدوغو وورغولانیب، نتیجه‌لرین مصلحتلشمه‌لر باشا چاتدیق‌دان سونرا ایجتیماعیتله پایلاشیلاجاغی بیلدیریلیب.
حماس حرکتی اؤلدورولن سیاسی دفتر صدری اسماعیل هنیه‌نین یئرینه یئنی رهبرین معین ائدیلمه‌سی اوچون مصلحتلشمه‌لره باشلادیغینی آچیقلاییب.
حماسین وئردیگی آچیقلامادا، حرکتین سون ایللرده بیر چوخ لیدرینی ایتیرمه‌سینه باخمایاراق، تشکیلاتلانمیش ماهیتی ایله تئز بیر زامان‌دا یئنی لیدرلر سئچمگی باجاردیغی بیلدیریلیب.
