ایسرائیلین طولکرم شهرینه هاوا سالدیریسی
ایسرائیل عسگرلرینین ایشغال آلتینداکی اردن چایینین غرب ساحیلینده طولکرم شهرینده بیر ماشینا ائتدیگی هاوا سالدیریسیندا ۵ فیلیسطینلی اؤلدو
ایسرائیل عسگرلرینین ایشغال آلتینداکی اردن چایینین غرب ساحیلینده طولکرم شهرینده بیر ماشینا ائتدیگی هاوا سالدیریسیندا ۵ فیلیسطینلی اؤلدو.
فیلیسطینین وفا خبر آژانسینین بیلگیلرینه گؤره، ایسرائیل اوردوسو طولکرمین قوزئیینده بیر ماشینا پیلوتسوز اوچوش آپاراتی (پوا) ایله هاوا هوجومو حیاتا گئچیریب.
ایکی راکئتله وورولان ماشیبن یانیب، ایچریسینده اولانلار ایسه یاناراق اؤلوب.
طولکرمدهکی ثابیت ثابیت دؤلت خستهخاناسینداکی قایناقلار هوجومدان سونرا خستهخانایا یانمیش ۵ جسدین گتیریلدیگینی و اونلاردان بیرینین طولکرم قاچقین دوشرگهسیندن اولان ۲۵ یاشلی هیثم نورالدین بیلئیدی اولدوغونو آچیقلاییب.
بیلئیدینین حماسـین طولکرمدهکی حربی قانادی عزالدین قسام توقایلارینین فرماندهلریندن بیری اولدوغو پایلاشیلیب.
طولکرمدهکی میللی فعالیت قروپلاری هوجومدان سونرا عومومی تعطیل و یاس اعلان ائتدی.
ایسرائیل اوردوسو ایلک آچیقلاماسیندا سؤزوگئدن ماشیندا سیلاحلی مقاویمت دؤیوشچولرینین اولدوغونو بیلدیری.
ایسرائیل قووهلری دوغو قودسون عیسیویه بؤلگهسینه باسقین زامانی فیلیسطینلیلره و ائولرینه آتیش آچدی. قارشیدورمالاردا ۳ فیلیسطینلی یارالاندی.
بیتالحم باتیسینداکی حوسان کندینده حربی ماشینلارلا حیاتا گئچیریلن باسقیندا ۱۶ یاشلی اوغلان، نابلوسدا ایسه ۴ فیلیسطینلی نظارته آلیندی.
ایلگیلیلی خبرلر
غزهده هلاک اولان لارین سایی 41 مینی اؤتوب
ایسراییلین غزهیه هوجوملاری نتیجهسینده هلاک اولانلارین سایی آرتماقدا داوام ائدیر.
