فرانسه وطنداشلاریندان ایرانی ترک ائتمه‌لرینی ایسته‌دی

فرانسه خاریجی ایشلر ناظیرلیگی وئردیگی آچیقلامادا حماسـ‌ین سیاسی دفتری‌نین رهبری اسماعیل هنیه‌نین تهران‌دا اؤلدورولمه‌سیندن سونرا بؤلگه‌ده حربی گرگینلی‌یین آرتماسی ائحتیمالی ایله علاقه‌دار اؤز وطنداشلاریندان تئز بیر زاماندا ایرانی ترک ائتمه‌لرینی ایسته‌دی.

بو اعلاندا ایران‌دا یاشایان فرانسه وطنداشلاریندان ان قیسا زاماندا بو اؤلکه‌نی ترک ائتمه‌لری خواهیش اولونور.

ایران‌ین بوتون اراضیسی‌نین سیاحت خبردارلیغی اوچون قیرمیزی سویه‌ده اولدوغونو خاطیرلادان فرانسه وطنداشلارینا هر هانسی سببدن ایران-ا صفر ائتمه‌مه‌لرینین رسمی اولاراق تؤوصیه ائدیلدیگینی بیلدیریب.

قید ائدک کی، حماسـ‌ین سیاسی دفتری‌نین رهبری اسماعیل هنیه جولای آیینین ۳۱-ده ایران‌ین باشکندی تهران‌دا اؤلدورولدو. 

ایران و حماس بو هوجومدا ایسرائیلی گوناهلاندیرسا دا، تل‌آویو بو قونودا سوسماغا داوام ائدیر.