ایران: هنیه سوءقصدی قطعی شکیلده ایسرائیل طرفیندن ائدیلدی
ایرانین یاری رسمی فارس خبر آژانسی، حماس سیاسی دفتری باشقانی ایسماعیل هنیهیه قارشی سوءقصده باغلی ایلک آراشدیرمالاردا سوءقصدین هاوادان قورویا آتیلان بیر راکتله گئرچکلشدیریلدیگینین تعیین اولوندوغونو یازدی
ایراندا ائدیلهن آراشدیرمالاردا، حماس سیاسی دفتری باشقانی ایسماعیل هنیهیه قارشی سوءقصدین "قطعی شکیلده ایسرائیل طرفیندن ائدیلن عسگری بیر حرکت" اولدوغونون تعیین اولوندوغو قئید ائدیلدی.
ایرانین یاری رسمی فارس خبر آژانسی، حماس سیاسی دفتری باشقانی ایسماعیل هنیهیه قارشی سوءقصده باغلی ایلک آراشدیرمالاردا سوءقصدین هاوادان قورویا آتیلان بیر راکتله گئرچکلشدیریلدیگینین تعیین اولوندوغونو یازدی.
اینقیلاب گؤزتچیلری اوردوسونا یاخینلیغییلا بیلینهن یاری رسمی فارس خبر آژانسی، ۳۰ جولای گئجهسی ایراندا رسمی قوناق اولاراق قالدیغی ایقامتگاهیندا سوءقصده اوغرایان هنیهیه تشکیل ائدیلهن سوءقصده باغلی ایلک آراشدیرمالارا دایر الده ائتدیگی معلوماتلاری پایلاشدی.
باشکند تهرانین شیمالیندا هنیهنین قوناق اولاراق قالدیغی ایقامتگاهین دؤردونجو قاتینا هاوادان قورویا بیر راکت آتیلدیغی و پاتلاما نتیجهسینده، هنیهنین اولدوغو اوتاغینین پنجره و تاوانینین تخریب اولدوغو ایفاده ائدیلدی.
آراشدیرمالاردا، سوءقصدین قطعی اولاراق "ایسرائیل طرفیندن ائدیلن عسگری بیر حرکت" اولدوغونون تعیین اولوندوغو قئید ائدیلدی.
آمریکانین نیویورک تایمز قزئتی، ایسماعیل هنیهنین، قالدیغی ایقامتگاها آیلار اؤنجهسیندن گیزلیجه قویولان بیر بومبانین پاتلادیلماسییلا اؤلدورولدوگونو ادعا ائتمیشدی. آمریکادا یایینی اولان آکسیوس سایتی دا بومبانین صنعی ذکادان ایستیفاده ائدن ایرلی تکنولوژی محصولو بیر جیهاز اولدوغونو و هنیهنین اوتاقدا اولدوغو معلوماتینی آلان ایسرائیل گیزلی سرویسی موساد آژانلاری طرفیندن اوزاقدان کنترل ایله پاتلادیلدیغینی ادعا ائتمیشدی.
ایلگیلیلی خبرلر
پ.کا.کا/ی.پ.گ-لی 2 ترورچو ضررسیزلشدیریلیب
مؤوضوع ایله باغلی میللی ساوونما ناظیرلیگیندن آچیقلاما وئریلیب.
