ایسرائیل‌ین لبنانا قارشی ساواش تهدیدی تورپاقلاریمیزی ساوونمامیزا مانع اولمایاجاق

لبنان‌ین باش ناظیری نجیب میقاتی اؤلکه‌سینین اولوسلار آراسی یاسالارا باغلی قالاراق ایسرائیل‌ین هوجوم تهلوکه‌سینه قارشی هر جور مودافیعه‌نی حیاتا گئچیره‌جه‌گینی بیلدیردی

2169163
ایسرائیل‌ین لبنانا قارشی ساواش تهدیدی تورپاقلاریمیزی ساوونمامیزا مانع اولمایاجاق

لبنان‌ین باش ناظیری نجیب میقاتی اؤلکه‌سینین اولوسلار آراسی یاسالارا باغلی قالاراق ایسرائیل‌ین هوجوم تهلوکه‌سینه قارشی هر جور مودافیعه‌نی حیاتا گئچیره‌جه‌گینی بیلدیردی.

اؤلکه‌نین رسمی آژانسی اولان ن‌ن‌آ، میقاتی‌نین ایسرائیل‌ین لبنانا مومکون هوجومو ایله باغلی بیاناتینی درج ائدیب.

میقاتی، اهالی‌یه قارشی هر جور زوراکیلیغی قینادیقلارینی ایفاده ائده‌رک، ایسرائیل‌ین لبنان‌ین گونئیینه هوجوملارینین دایاندیریلماسینی و بیرلشمیش میلتلر تشکیلاتی‌نین تهلوکه‌سیزلیک شوراسی‌نین ۱۷۰۱ سایلی قطعنامه‌سینین حیاتا گئچیریلمه‌سینی ایسته‌دی.

میقاتی، جولای آیی‌نین ۲۷-سینده ایسرائیل‌ین ایشغالی آلتیندا اولان جولان تپلرینده‌کی مجدل شمس قصبه‌سینه هوجومدان سونرا ایسرائیل‌ین لبنانا تهدیدی قونوسوندا بئله دئدی: "ایسرائیل‌ین لبنانا قارشی هرطرفلی ساواش تهدیدی، لبنانلی‌لاری اولوسلار آراسی حقوقلا تصدیقلنمیش اؤز تورپاقلارینی مودافیعه ائتمکدن چکیندیرمه‌یه‌جک".

 



ایلگیلی‌لی خبرلر