ایران سئچکیلرینین نتیجه‌لری نه دئییر؟

مرمره اونیوئرسیته‌سیندن دوکتور بیلگه‌خان آلاگؤز: پزشکیانین تورک کیملیگینه ایستیناد ائتمه‌سینین بؤلگه سیاستی ایله و مقصدی ایله یاخین ایلگیسی وار

2161116
ایران سئچکیلرینین نتیجه‌لری نه دئییر؟

ایصلاحاتچی مسعود پزشکیان، ایران جمهور باشقانلیغی سئچکیلرینده ایکینجی توروندا یوزده ۵۳،۷ سس ایله اؤلکه‌نین ۹-جو جمهور باشقانی اولدو. ایران‌دا 62 میلیون سئچیجی اوچون 59 مین مرکزده سئچکی صاندیقلاری قورولدو. خاریج‌ده یاشایان ایران وطنداشلاری اوچون 95 اؤلکه‌ده سئچکی مرکزلری یارادیلدی. سئچکی‌لره اشتراک سوییه‌سینین یوزده 49.8 اولدوغو بیلدیریلدی. سئچکیلرده عمومی‌لیک‌ده 30 میلیون 530 مین 157 سسین اولدوغو، 16 میلیون 384 مین 403 سس توپلایان پزشکیان‌ین سسلرینین یوزده 53.7 چاتدیغی بیلدیریلدی. ایسلام‌چی محافیظه‌کار سعید جلیلی‌نین سس نیسبتی یوزده 44.4 اولاراق قالدی.

سئچکیلر داخیلی سیاست اوچون نه دئییر؟

ابراهیم رئیسی‌نین اؤلوموندن سونرا گئچیریلن سئچکیلر ایرانین داخیلی سیاستی حاققیندا نه دئییر؟

ابراهیم رئیسی‌نین اؤلوموندن سونرا باشلایان سوره‌ده ۶ نفره نامزدلیک ایجازهسی وئریلدی. اونلارین آراسیندا تک ایصلاحاتچی نامزد جمهور باشقانی سئچیلن پزشکیان ایدی.

ت‌رت خبره دانیشان مرمره اونیوئرسیته‌سی اوستادی دوکتور بیلگه‌خان آلاگؤز بیر چوخ اؤنملی آدین رد ائدیلدیغی سون لیستده پزشکییان آدینین اؤنه چیخدیغینی بیلدیریر.

آلاگؤزه گؤره، دینی لیدر علی خامنه‌ای‌نین اوره‌یینده‌کی نامیزد باشقا آد اولسا دا، او، پزشکیانین نامزدلیگینین طرفداری اولوب.

آلاگؤز بو وضعیتی سون ایللرده اؤلکه‌ده باش وئرن پروسه‌سلرله علاقه‌لندیریر و بئله ایضاح ائدیر؛

«۲۰۲۲-جی ایلده مهسا امینی‌نین شوبهه‌لی اؤلوموندن سونرا اؤلکه‌ده یارانان تظاهراتلار و حیجاب ایله باغلی باشلایان اعتیراضلار سرت شکیلده یاتیریلدی. بو، میللت آراسیندا دا بؤیوک چاتیشمازلیقلارا سبب اولدو. بو سببدن، خوصوصیله ۷ اکتبردان سونرا یاخین شرقده ایسرائیل ایله یارانان گرگینلی‌یین تأثیری ایله اؤلکه ایچینده بیرلیک و بوتؤولوک یئنیدن قورلومالی ایدی».

موحافیظه‌کارلار و ایصلاحاتچیلار اوچون بو نه دئمکدیر؟

۲۰۲۲-جی ایلده ایراندا اؤلکه ایچینده باشلایان ایغتیشاشلار زامان-زامان آرتسا دا، رئژیمین یومشاق قارنی کیمی‌ده گؤرونوردو. مهسا امینی‌ اعتیراضلاری و حیجابلا باغلی فیکیر آیریلیقلاری رئژیمی داها کؤورک ائتدی.

بو سببدن رئیسی‌دن سونرا گئچیریله‌جک سئچکیلر چوخ اؤنملی ایدی. چونکی بو، هم اؤلکه ایچینده بیرلیگی تامین ائده‌بیلیر‌، هم‌ده ایسرائیل-آمئریکا مومکون قارشی‌دورماسیندا رئژیمین الینی گوجلندیره‌بیلردی.

شورای نگهبان ۸۰ نامزددن یالنیز ۶-نین نامیزدلیگینه ایجازه وئردی.

شورا ایصلاحاتچی قانادینی پزشکیانلا راضیلاشماغا مجبور ائتدیگی حالدا، موحافیظه‌کارلاری سعید جلیلی ایله قالیباف آراسیندا سئچیمه مجبور ائتدی.

ایصلاحاتچیلارین سونونجو دفعه حسن روحانی‌یه دسته‌ک وئردیگینی و بو مارژینال قروپلاشمانین پزشکیان‌لا سیستئمده بیرتهر اؤزونه یئر تاپدیغینی بیلدیرن آلاگؤز، موحافیظه‌کار طرفده پارچالانمیش بیر قورولوشون اولدوغونو بیلدیریر.

قالیبافین تمثیل ائتدیگی عنعنه‌وی موحافیظه‌کارلار ایله جلیلی (پایداری آدلانان قورولوش) طرفیندن تمثیل اولونان موقاویمت اوخونو منیمسَین موحافیظه‌کار قورولوش آراسیندا جیدی رقابت اولدوغونا دقت چکن آلاگؤز یاریشین خامنه‌ای‌دن سونراکی دؤورله باغلی اولدوغونو بیلدیریر؛

«بو رقابتین اؤنملی حیصّه‌سی دینی لیدر خامنه‌ای‌دن سونراکی دؤورون سناریولاریدیر. قالیباف کیمی موحافیظه‌کارلار سپاه ایله داها چوخ ایچ ایچه اولان سیاست و انقیلابی رهبرلیگی نظرده توتسالار دا، بیز اونو دا قید ائتملی‌ییک کی، جلیلینین تمثیل ائتدیگی سیاست انقیلابین قوروجو پرینسیپلرینه داها چوخ صادیقدیر و گله‌جک فانتاستیکا اساسیندا قورولور. داها چوخ سیویل و دینی ائلیتیزم. بو سببدن موحافیظه‌کارلار آراسیندا پارچالانمانین بیر مدت داوام ائده‌جه‌گینی سؤیله‌مک اولار».

او بیری طرفدن، سپاهین قالیبافی دسته‌کلدیگی، لاکین قالیبافین ایلک ایکی نامزد آراسیندا اولابیلمه‌دیگی اوچون پزشکیانی دسته‌کلدیگی معلومدور. آلاگؤز سپاهین دسته‌گینی آلان پزشکیانین سیستم ایچینده بیر فیگور اولدوغونو و سپاه ضیدیت تشکیل ائتمه‌ین بیر سیاست آپارماسینین گؤزلنیلدیگینی دئییر.

خاریجی سیاستده دَییشیکلیکلر گؤزلنیلیرمی؟

ایران هم داخیلده‌، هم‌ده خاریجده چوخ سرت پروبلئملرله اوزلشیر. باتی ایله داوام ائدن نوکلئر موذاکیره‌لر و تحریملر و ایسرائیلین غزه‌یه سالدیریلاری ایله باشلایان گرگینلیک یئنی جمهور باشقانینین ان اؤنملی گوندم ماده‌لری آراسیندا اولاجاق.

پزشکیانلا تهرانین خاریجی سیاستی نئجه فورمالاشاجاق؟

ایران هم داخیلده‌، هم‌ده خاریجده چوخ سرت پروبلئملرله اوزلشیر. غربله نووه دانیشیقلاری و سانکسییالار، ایسرائیلین غزه‌یه هوجوملاری ایله باشلایان گرگینلیک یئنی پرئزیدئنتین ان موهوم گوندم ماده‌لری آراسیندا اولاجاق.

دوکتور بیلگه‌خان آلاگؤزه گؤره، پزشکیانین نامزدلیگینه ایجازه وئریلمه‌سی اصلینده اؤلکه‌ده خاریجی سیاستده دؤنوشون اولاجاغینین گؤستریجیسیدیر. اگر ابراهیم رئیسی‌نین سئچیلدیگی سئچکیلرده هئچ بیر ایصلاحاتچی نامزده ایجازه وئریلمسیدی، بو سئچکیلرده‌ ده ایجازه وئریلمه‌یه‌جکدی. بوتون موحافیظه‌کارلار نامزد اولا بیلردی.

آلاگؤز دییشه‌جک سیاستلری بئله سیرالاییر؛

"خوصوصا‌ده نوکلئر موذاکیره‌لر و باتی ایله علاقه‌لره گلینجه‌، دئیه بیلریک کی، حاضیردا عمان اوزریندن گئدن نوکلئر موذاکیره‌لر پروسه‌سی داها دا اؤن پلانا چیخاجاق. اگر بایدن و یا هر هانسی دموکرات نامزد آمئریکادا جمهور باشقانی سئچیلرسه‌، دانیشیقلار دوام ائده‌جک، آما ترامپین نوکلئر موذاکیره‌لر اوچون هوسلی اولدوغو علامتلر وار".

دیگر طرفدن، ایرانین بولگه سیاستلری ‌ده ماراق دوغورور. عراقدا، یمنده‌، سوریه‌ده و لوبناندا نوفوذو اولان تهرانین سیاسی دَییشیکلیک ائدجه‌گی گؤزلنیلمیر. آلاگؤز بؤلگه‌ده «موقاویمت اوخو» دئییمینده گئرییه آددیم آتیلاجاغینی دوشونمه‌سه ده، کؤرفز اؤلکه‌لری ایله ثابیت علاقه‌لر قورماق ایسته‌یه‌جکلرینی بیلدیریر.

ایرانین مومکون یئنی خاریجی سیاستی ایله باغلی ان دیقت چکن گؤزلنتی تورکیه قونوسودور. آلاگؤز بئله ایضاح ائدیر:

"تورکیه ایله سون درجه ریقابتچی بیر سیاست بیزی گزله‌ییر. پزشکیانین سئچیلمه‌سینین اؤنونون آچیلماسینین دا تورکیه‌یه دؤنوک سیاست ایله یاخیندان ایلگیسی اولدوغونو دوشونورم".

پزشکیانین تورک کیملیگینین ایزلنه‌جک یئنی سیاستلرله یاخیندان علاقه‌لی اولدوغونا ایشاره ائدن آلاگؤز، قافقاز و اورتا آسیانی تهرانین رقابت میدانی اولاراق گؤردوغونو بیلدیریر؛

”ایران تورکیه ایله آذربایجان آراسینداکی امکداشلیقدان، خوصوصا ۲۰۲۰-جی ایل قاراباغ ساواشیندان سون درجه ناراحاتدیر و بو سببدن تورکیه‌نین خاریجی سیاستی اوزون مدتدیر کی، اونون هدفی اولوب. او، تورکیه‌نین بؤلگه سیاستلرینی رقابت ساحه‌سی کیمی گؤرور. اورتا آسییا تورک دؤلتلری ایله قوردوغو علاقه‌لری، خوصوصا ‌ده تورکیه‌نین جنوبی قافقاز سیاستینی تورک دؤلتلری تشکیلاتی واسیطه‌سی ایله هدفه آلان ایران وار. پزشکیانین تورک کیملیگینه ایستیناد ائتمه‌سینین بؤلگه سیاستی ایله و مقصدی ایله یاخین ایلگیسی وار».



ایلگیلی‌لی خبرلر