ایرانین اتم انرژیسی آژانسی ایله امکداشلیق ائتمه‌دیگی قراری قبول ائدیلدی
اولوسلارآراسی اتم انرژیسی آژانسی یؤنه‌تیم قورولوندا، "ایرانین آژانسلا امکداشلیق ائتمه‌دیگی تنقیدینین یئر آلدیغی قرار تکلیفی" قبول ائدیلدی
اتریشین باشکندی وینده داوام ائد‌ن اولوسلارآراسی اتم انرژیسی آژانسی یؤنه‌تیم قورولوندا، "ایرانین آژانسلا امکداشلیق ائتمه‌دیگی تنقیدینین یئر آلدیغی قرار تکلیفی" قبول ائدیلدی.
روسیانین بیرلشمیش میللتلر ون اوفیسی نزدینده دائمی نماینده‌سی ائلچی میخائیل اولیانوو، سوسیال مئدیا حسابی ایکسدن ائتدیگی پایلاشیمدا، ایکی گوندور سۆره‌ن اولوسلارآراسی اتم انرژیسی آژانسی یؤنه‌تیم قورولوندا ایران قارشیدی قرار تکلیفینین ۲۰ سس ایله گئچدیگینی بیلدیردی.
اولیانوو، ۳ آوروپا اؤلکه‌سی طرفیندن سونولان قرارا باغلی سس وئرمه‌ده ۲۰ اولور، ۱۲ طرفسیز و ۲ یوخ اویو وئریلدیگینی بیلدیردی.
ایرانین آژانسلا یئترلی قدر امکداشلیق ائتمه‌دیگینه و اولوسلارآراسی اتم انرژیسی آژانسی باشقانی رافائل ماریانو گروسینین بو اؤلکه‌یه قارشی تنقید و قایغیلارینین یئر آلدیغی آچیقلامالارینا توخونولان قراردا، تهران رهبرلیگینین آژانسلا امکداشلیق ائتمه‌سی چاغریسی ائتدی.
آژانسین ایرانین نۆوه فعالیتلرینی دوغرولاما و کنترل ائتمه قونوسوندا یاشادیغی پروبلئملر سببی ایله بو اؤلکه‌نین نۆوه پروگرامینین تامامی ایله باریشچیل اولدوغونا دایر ضمانت وئرمه‌دیگینه ایشاره ائدیله‌ن قراردا، تهران رهبرلیگینه نۆوه تاسیسلرینه تام اَریشیم/داخیل اولما، دوغرولاما وکنترل ائتمه قونوسوندا یاشانان جدی پروبلئملری حل ائتمه‌سی چاغریسی ائتدی.
ایرانین بیرلشمیش میللتلر وین اوفیسی نزدینده دائمی نماینده‌سی محسن نذیری اصل ایسه وئردیگی یازیلی آچیقلامادا، اؤلکه‌سی علیه‌ینده آلینان قرارین، "اولوسلارآراسی اتم انرژیسی آژانسی آیین نامه‌سینین آچیق پوزونتوسو و عضو اؤلکه‌لرین حاق و تعهدلارینین گؤز آردی ائدیلمه‌سی معناسینی وئردیگینی" ایفاده ائتدی.
اؤته یاندان ایران، روسیا و چین طرفیندن یاییملانان اورتاق آچیقلامادا، آمریکا و آوروپا اؤلکه‌لرینه ۲۰۱۵ده ایمضالانان آنجاق ۲۰۱۸ده واشینگقتونون تک طرفلی چکیلمه‌سیندن سونرا تطبیق اولونابیلمه‌یه‌ن نۆوه آنلاشماسینی یئنیدن جانلاندیرما چاغریسی ائدیلدی.
