اسماعیل هنیه: ایستنیلن راضیلاشمایا مثبت و جیدّی یاناشاجاغیق
حماس لیدری ایسرائیل اوردوسونون غزه زولاغیندان تامامیله چیخاریلماسی و اسیرلرین موبادیله‌سی اساسیندا ایستنیلن راضیلاشمایا موثبت و جیدّی یاناشاجاقلارینی بیلدیریب
حماس حرکاتینین سیاسی ایداره‌سینین رهبری اسماعیل هنیه ایسرائیل اوردوسونون غزه زولاغیندان تامامیله چیخاریلماسی و اسیرلرین دَییشدیریلمه‌سی اساسیندا ایستنیلن راضیلاشمایا مثبت و جیدّی یاناشاجاقلارینی بیلدیریب.
حماسین درج ائتدیگی یازیلی آچیقلامادا اسماعیل هنیه "حماس خالقیمیزین ایراده‌سینی و قهرمان موقاویمتینی تمثیل ائدن بیر دوروشلا دانیشیقلاری آپاریر." دئییب.
حماس لیدری وورغولاییب کی، ایسرائیل اوردوسونون غزه زولاغیندان تامامیله چیخاریلماسی و اسیرلرین موبادیله‌سی اساسیندا ایستنیلن راضیلاشمایا موثبت و جیدّی یاناشاجاقلار.
دیگر طرفدن غزه‌ده آتیش‌کسله باغلی دانیشیقلار آپارماق اوچون قطرین پایتخاتی دوحه‌ده اولان حماس هیئتینین قطرین باش ناظیری محمد بن عبدالرحمان آل ثانی و مصر ایستخبارات دیرکتورو عباس کامیل ایله گؤروشلرینی تاماملادیغی بیلدیریلیب.
آمریکا پرزیدنتی جو بایدن 31 می تاریخینده آغ ائوده‌کی چیخیشیندا ایسرائیلین اوچ مرحله‌دن عبارت یئنی آتیش‌کس تکلیفی تقدیم ائتدیگینی بیلدیریب.
