لبنانین باش ناظیریندن ایسرائیلین موحاریبه اعلان ائدهجیی خبرلری
باش ناظیرلیک مطبوعات ایدارهسیندن وئریلن آچیقلامادا ایسرائیلین لبنانا گئنیش مقیاسلی هوجوم ائدهجیی ایله باغلی خبرلرین «لبنانا تضییقلر چرچیوهسیند» یاییلدیغی قید ائدیلدی

لبنانین باش ناظیری نجیب میقاتی ایسرائیلین اؤلکهسینه موحاریبه اعلان ائدهجیی ایله باغلی خبرلری تکذیب ائدیب.
باش ناظیرلیک مطبوعات ایدارهسیندن وئریلن آچیقلامادا، باش ناظیر میقاتینین ایسرائیلین لبنانا گئنیش مقیاسلی هوجوم ائدهجیی ایله باغلی خبردارلیق آلدیغی بارهده خبرلر و ادعالار اولدوغو لاکین بونون حقیقتی عکس ائتدیرمهدیگی و بو خبرلرین «لبنانا تضییقلر چرچیوهسیند» یاییلدیغی قید ائدیلدی.
بَیاناتدا همچینین قید اولونوب کی، میقاتی ایسرائیلین لبنانین جنوبونا هوجوملارینی دایاندیرماق اوچون "گئنیش دیپلوماتیک تماسلار" حیاتا کئچیریب.
لبناندا حزبالله-ا یاخینلیغی ایله تانینان الاخبار قزئتینین بعضی منبعلره اساسلاناراق وئردیگی خبرده، پایتخات بیروتا گئدن خاریجی قوناقلارین اکثریتینین ایسرائیلدن جیدی تهدید اولاجاغی ایله باغلی ناراحاتلیقلارینی وورغولادیغی بیلدیریلیب.
خبرده اینگیلیستانین بو آی لبنان حاکیمیتینه ایسرائیلین هوجوم ائده بیلهجیی بارهده خبردارلیق ائتدیگی بیلدیریلیب.
اکتبرین 7-دن غزه زولاغینا هوجوملارینی داوام ائتدیرن ایسرائیل قوزئی سرحدینده ده لبنان حزباللهی ایله دؤیوشور.
بو قارشیدورمالاردا 325 حزبالله عوضوو، 65 لبنان وطنداشی، 19 امل حرکاتی، 13 حماس، 15 ایسلامی جهاد عوضوو، 14 ایسرائیل عسگری و 10 ایسرائیل وطنداشینین هلاک اولدوغو بیلدیریلیب.
ایلگیلیلی خبرلر

۳ ایسرائیللی اسیر بین الخلق قیرمیزی خاچ قروپلارینا تحویل وئریلیب
آزاد ائدیلن ۳ ایسرائیللی محبوسون موقابیلینده بو گون ۳۶۹ فیلیسطینلی محبوس آزادلیغا بوراخیلاجاق