ایرانین اورانیوم توتومونو یوکسلتدیگی بیلدیریلدی
اولوسلارآراسی اتم انرژیسی آژانسی، ۳ آیدا بیر ایرانین نۆوه فعالیتلرینه باغلی یؤنه‌تیم قورولو عضولریله پایلاشدیغی راپور‌دا، بو اؤلکه‌نین زنگینلشدیریلمیش اورانیوم توتومونا باغلی بیلگیلری یاییملادی
ایرانین ۲۰۱۵ده ایمضالانان نۆوه آنلاشماسیندا تخمیناً ۳۰۰ کیلوگراملا محدودلاشدیریلان زنگینلشدیریلمیش اورانیوم توتومونو ۶ مین ۲۰۱،۳ کیلوگراما یوکسلتدیگی بیلدیریلدی.
اولوسلارآراسی اتم انرژیسی آژانسی، ۳ آیدا بیر ایرانین نۆوه فعالیتلرینه باغلی یؤنه‌تیم قورولو عضولریله پایلاشدیغی راپور‌دا، بو اؤلکه‌نین زنگینلشدیریلمیش اورانیوم توتومونا باغلی بیلگیلری یاییملادی.
راپور‌دا، ایرانین ۲۰۱۵ده ایمضالانان و "ایران نۆوه آنلاشماسی" اولاراق بیلینن جامع اورتاق حرکت پلانیندا تعیین اولونان زنگینلشدیریلمیش اورانیوم سویه‌سینین چوخ اوستونه چیخدیغی ایفاده ائدیلدی.
ایرانین ۱۱ می اعتباری ایله زنگینلشدیریلمیش اورانیوم ذخیره‌سینین ۶ مین ۲۰۱،۳ کیلوگراما یوکسلدیگی، اؤنجه‌کی ۳ آیلیق راپورا نیسبتله ۶۷۵،۸ کیلوگرام آرتیش گؤرولدوگو بیلدیریلدی.
راپور‌دا، تهران رهبرلیگینین یوزده ۶۰ صافلیقدا اورانیوم اۆره‌تیمینی داوام ائتدیردیگی، یوزده ۶۰ صافلیقدا ۱۴۲ کیلوگرام زنگینلشدیریلمیش اورانیوم ذخیره‌سینه صاحب اولدوغو، اؤنجه‌کی راپورا مقایسه‌ده اۆره‌تیمینی ۲۰ کیلوگرامدان چوخ آرتیردیغینا ایشاره ائدیلدی.
ایران ایله پ۵+۱ اؤلکه‌لری اولاراق آدلاندیریلان بیرلشمیش میللتلر گوونلیک شوراسینین دائمی عضولری آمریکا بیرلشمیش دؤولتلری، روسیا، چین، اینگیلتره و فرانسا ایله آلمانیانین یانیندا آوروپا بیرلیگی آراسیندا، تخمیناً ۳ ایل داوام ائد‌ن موذاکیره‌لر نتیجه‌سینده، جولای ۲۰۱۵ده نۆوه آنلاشماسی تامین ائدیلمیشدی.
۲۰۱۶دا تطبیق اولونماغا باشلایان نۆوه آنلاشماسی، ایرانا اورانیومی یوزده ۳،۶۷ زنگینلشدیرمه‌سی و زنگینلشدیریلمیش اورانیوم ذخیره‌سینی ده ۳۰۰ کیلوگرام ایله توتما حدی گتیرمیشدی.
آمریکانین ۲۰۱۸ده آنلاشمادان تک طرفلی اولاراق چکیلمه‌سی و ایرانا قارشی تحریملرینی یئنیدن حیاتا گئچیرمه‌سی ایله آنلاشمانین تطبیق اولونماسیندا پروبلئملر باشلادی.
ایلگیلی‌لی خبرلر
غزه‌‌ده هلاک اولان لارین سایی 41 مینی اؤتوب
ایسراییلین غزه‌یه هوجوم‌لاری نتیجه‌سینده هلاک اولان‌لارین سایی آرتماقدا داوام ائدیر.
