ایروان باریش موقاویله‌سی ایله باغلی باکی-یا علاوه تکلیف‌لر گؤندریب

ائرمنیستان آذربایجانا باریش سازیشی ایله باغلی یئنی تکلیفینی گؤندریب.

2086475
ایروان باریش موقاویله‌سی ایله باغلی باکی-یا علاوه تکلیف‌لر گؤندریب

ائرمنیستانین رسمی خبر آژانسی "آرمن پرس"ین معلوماتینا گؤره، میللی تهلوکه‌سیزلیک شوراسی‌نین کاتیبی آرمن گریگوریان ائرمنیستان دؤولت تلویزیونونا موصاحیبه‌سینده ائرمنیستان-آذربایجان باریش سازیشی سوره جی ایله باغلی آچیقلاما‌لار وئریب.

آرمن گریگوریان "ژانویه‌نین 4-ده ائرمنیستان طرفی آذربایجانین باریش سازیشی ایله باغلی تکلیفینه جاواب وئردی. بیز اونلارین تکلیفینه ایکی هفته عرضینده جاواب وئردیک. ایندی آذربایجانین جاوابینی گؤزلییریک" دئییب.

آرمن گریگوریان بیان ائدیب کی، آذربایجان ایله باریش دانیشیق‌لاریندا ایرلیلییش الده اولونمایان بعضی مسئله‌لر وار:

"اومید ائدیریک کی، قیسا مدتده بو مسئله‌لرده ایرلیلییش الده ائده بیلریک. اومید ائدیریک کی، حلینی تاپا بیلمه‌دیگیمیز قالان پروبلئم‌لر ده قارشی‌لیق‌لی موبادیله و دانیشیق‌لار یولو ایله یئکون‌لاشا‌جاق و باریش سازیشی یاخین زاماندا ایمضا‌لانا‌جاق".

دیگر طرف‌دن، آرمن گریگوریان ایکی اؤلکه آراسیندا سرحدی معین ائتمک اوچون چالیشان کمیسیون لارین ژانویه‌نین سونوندا یئنی‌دن گؤروشمه‌سی اوچون راضی‌لیق الده ائدیلدیگینی بیلدیریب.

خاطیرلاداق کی، آذربایجانین خاریجی ایشلر ناظیری جیهون بایراموو دسامبرین 27-ده بیان ائدیب کی، 2023-جو ایلده ائرمنیستان ایله باریش دانیشیق‌لاریندا ایرلیلییش الده اولونوب و "ایروان رهبرلیگی جدی سیاسی ایراده نوماییش ائتدیرسه، قیسا مدتده باریش ایمضا‌لانا بیلر" دئییب.



ایلگیلی‌لی خبرلر