ایران، ایسرائیلین سایبری سالدیری تشکیل ائتدیگینی دوغرولا‌دی

"صهیونیست و آمریکا‌لی دۆشمنلر دیگر جبهه‌لرده ضربه آلدیقلاری اوچون بو یوللا خالقی چتینلیک و مشقته سوخماق ایسته‌ییرلر. بو سوءقصد تئزلیکله سونا چاتدیریلاجاق"

2077918
ایران، ایسرائیلین سایبری سالدیری تشکیل ائتدیگینی دوغرولا‌دی

ایران نفت باخانی جواد اوجی، مایع یاناجاق مرکزلرینده ایستیفاده ائدیله‌ن اینترنت سیستمینه ایسرائیلین سایبری سالدیری تشکیل ائتدیگینی دوغرولا‌دی.

اوجی، باشکند تهرانداکی شریعتی جاده‌سینده‌کی بیر بنزین دولدورما مرکزینده مطبوعات منسوبلارینا دانیشدی.

ایرانلی باخان، "صهیونیست و آمریکا‌لی دۆشمنلر دیگر جبهه‌لرده ضربه آلدیقلاری اوچون بو یوللا خالقی چتینلیک و مشقته سوخماق ایسته‌ییرلر. بو سوءقصد تئزلیکله سونا چاتدیریلاجاق" دئدی.

بنزر بیر سایبری سالدیرینین اؤنجه‌کی ایللرده ده یاشاندیغینی خاطیرلادان اوجی، بعضی بنزین دولدورما مرکز‌لرینین ال ایله فعالیت گؤستردیگینی و پروبلئمین بیر نئچه ساعات ایچینده حل ائدیلمه‌سینین پلانلاندیغینی قید ائتدی.

ایران غیر عامل ساوونما قورومو، اؤلکه‌ده مایع یاناجاق مرکزلرینده ایستیفاده ائدیله‌ن اینترنت سیستمینه سایبری سالدیری تشکیل ائدیلدیگی ادعاسینی دوغرولامادیغینی بیلدیرمیشدی.

ایسرائیل اوردو رادیوسو دا ایسرائیللی هکرلرین ایرانداکی یاناجاق تداروک سیستمینه سایبری سالدیری تشکیل ائتدیگینی بیلدیردی.

ایران نفت باخانلیغی طرفیندن وئریله‌ن آچیقلامادا دا خالقین پروبلئم حل ائدیلنه قدر عاجیل اولمادیقجا مایع یاناجاق آلما یئرلرینه گئتمه‌مه‌لری ایسته‌نیلمیشدی.

نفت باخان کؤمکچیسی جلیل سالاری ایسه پروبلئمین بنزین دولدورما مرکز‌لرینین یوزده آلتمیشیندا یاشاندیغینی، مرکزلرین آفلاین اولاراق ال ایله خیدمت وئردیگینی قید ائتمیشدی.



ایلگیلی‌لی خبرلر