نتانیاهو: ایسرائیللیلری اؤلدورنلر بوراخیلمایاجاق

ایسرائیل باشباخانی بنیامین نتانیاهو، حماس حرکتی ایله ائدیله‌ن اسیر دییشیمی آنلاشماسینین، ایسرائیللیلری اؤلدورمکله سوچلانان شخصلره شامیل اولمایاجاغینی سؤیله‌دی.

ایسرائیل ساوونما باخانی یواف گالانت ایله اورتاق مطبوعات کونفرانسیندا دانیشان نتانیاهو، اسیر دییشیمی آنلاشماسینا باغلی آچیقلامالار وئردی.

نتانیاهو، قیزیل‌خاچ هؤرگوتونون اسیر دییشیمی آنلاشماسینین ایچینده اولمایان دیگر اسیرلرله ده گؤروشه‌جگینی، بونون آنلاشما ماده‌لرینده یئر آلدیغینی دیله گتیردی و هؤرگوتون وظیفه‌سینی یئرینه یئتیرمه‌سینی آرزو ائتدی.

"بو آنلاشما، ایسرائیللیلری اؤلدوره‌نلره شامیل اولمور" دئیه‌ن نتانیاهو، باشباخان اولاراق اسیرلر قونوسوندا چتین سئچیملرله قارشی قارشییا قالدیغینی، بوتون زامانینی اسیرلرین ایسرائیله دؤنمه‌سی اوچون چالیشاراق گئچیردیگینی سؤیله‌دی.

ایسرائیلین تاریخی بویونجا عسگری عملیاتلارلا اسیرلری قورتارماغی باجاردیغینی ایفاده ائد‌ن نتانیاهو، "آنجاق بو هر زامان باشاریلی اولمور، بونا گؤره گؤزله‌مه‌دیک و گیروولاریمیزی سربست بوراخماق اوچون هر فورصتی دگرلندیریریک" دئیه دانیشدی.

"آچیق سؤزلو اولماق ایسته‌ییرم" دئیه‌ن نتانیاهو، بونلاری قید ائتدی:

"حماسی یوخ ائتمک و بوتون گیروولاریمیزی گئری آلماق اولان بوتون هدفلریمیزی گئرچکلشدیره‌نه قدر ساواش داوام ائد‌جک. ساواشدان سونراکی گونده ده ترورو دستکله‌یه‌ن هئچ بیر عنصورون غزه‌نی ایداره ائتمه‌مه‌سی ضمانت آلتینا آلیناجاق. غزه، ایسرائیلین گله‌جگینده بیر تهدید اولوشدورمایاجاق. سیاسی و عسگری چابالار، گیروولارین گئری قاییدیشی اوچون لازیم اولان شرطلری اولوشدوردو. بو وضعیتین، سونراکی مرحله‌لرده داها چوخ گیرووون سربست بوراخیلماسینا دا ایمکان وئرجگینه اینانیرام".