لاوروو، امیرعبداللهیان ایله دانیشدی
لاوروو و امیرعبداللهیانین دانیشماسیندا، "عاجیل آتیش‌کس و سیویل خالقا عاجیل کؤمک تامین ائدیلمه‌سی ضرورتی" وورغولاندی
روسیا خاریجی ایشلر باخانی سرگئی لاوروو، ایران خاریجی ایشلر باخانی حسین امیرعبداللهیان ایله تلفوندا دانیشدی.
روسیا خاریجی ایشلر باخانلیغیندان وئریله‌ن آچیقلامایا گؤره، غزه یولاغیندا‌کی وضعیتینین اله آلیندیغی و مؤوجود وضعیته باغلی قایغیلارین ایفاده ائدیلدیگی تلفون دانیشماسیندا، "عاجیل آتیش‌کس و سیویل خالقا عاجیل کؤمک تامین ائدیلمه‌سی ضرورتی" وورغولاندی.
ایسرائیلین غزه‌نی ایشغالیندا سون وضعیت
حماسین سلاحلی قانادی عزالدین قسام توغایلاری، ۷ اکتبر سحری، ایسرائیلین "فیلیسطینلیلره و باشدا مسجد الاقصی اولماق اوزره قوتسال دگرلرینه قارشی داواملی پوزونتولارینا جاواب وئرمه" سببی ایله گئنیش سالدیری تشکیل ائدرکن، ایسرائیل اوردوسو دا غزه یولاغینا سیخ هاوا بومباردمانی باشلاتدی.
ایسرائیل‌ده ۷ اکتبرداکی سالدیریلاردا ۳۱۰دان چوخو عسگر اولماق اوزره ۱۲۰۰ ایسرائیللینین اؤلدوگو، ۵ مین ۱۳۲ نفرین یارالاندیغی بیلدیریلدی.
ایسرائیل اوردوسونا گؤره، ۷ اکتبردان بو یانا ۶۲سی غزه ایچریسینده‌کی چاتیشمالاردا ۶سی دا لبنان سرحدینده اولماق اوزره ۳۸۳ عسگر اؤلدورولدو.
ایسرائیله گؤره، قسام توغایلارینین الینده ایسرائیللی ۲۳۹ اسیر وار.
غزه‌ده‌کی حکومته گؤره ایسه ۷ اکتبردان بو یانا ایسرائیل سالدیریلاریندا غزه یولاغیندا ان آز ۵ مینی اوشاق و ۳ مین ۳۰۰و قادین اولماق اوزره ۱۲ مین ۳۰۰ نفر اؤلدورولدو.
ایشغال آلتینداکی اردن چایینین باتی ساحیلی و قدسدا دا ۷ اکتبردان بو یانا ایسرائیل گوجلری و یهودی یئرله‌شیمچیلرین سالدیریلاریندا ۲۱۴ فیلیسطینلی حیاتینی ایتیردی.
ایسرائیل اوردوسو، غزه‌ده اون مینلرجه یارالی ایله وطنداشین سیغیندیغی اونلارجا خسته‌خانانی زورلا تخلیه ائتدیرمک اوچون یئرلشکه‌لرینی یا دا آنا بینالارینی دا ووردو. ایشغال سیراسیندا بعضی خسته‌خانالاری باسدی. سالدیریلاردا یوزلرجه اینسان اؤلدو و یارالاندی.
ایلگیلی‌لی خبرلر
غزه‌ده‌کی تونللره سو دولدورولاجاغی ادعا ائدیلدی
"یئرآلتی تونللرینین ایستیفاده‌سینی اؤنله‌مک اوچون بوتون سئچه‌نکلری دگرلندیریریک"
