ارمنیستاندا اقتداری زورلا اله گئچرمه گیریشیمی
ارمنیستاندا ۸ نفرین، ارمنیستان حکومتی عضولری و باشباخان نیکول پاشینیانا قارشی اقتداری اله گئچرمک اوچون آنلاشمایا واردیقلاری معین ائدیلدی
ارمنیستاندا، اقتداری زورلا اله گئچرمه گیریشیمی و باشباخان ایله حکومت عضولرینه سوءقصد ادعاسییلا ۸ نفر گؤزآلتینا آلیندی.
ارمنیستانین رسمی خبر آژانسی آرمن‌پرسین خبرینه گؤره، ارمنیستان اولوسال گوونلیک سرویسی و سوروشدورما بوروسو چالیشانلارینین عملیاتلاری نتیجه‌سینده آدلاری آچیقلانمایان ۷سی "خاچلیلار عسگری-یوردسئور توپلوم قورولوشو" عضوو ۸ نفرین، ارمنیستان حکومتی عضولری و باشباخان نیکول پاشینیانا قارشی اللرینده‌کی سلاح و مهماتدان سوچ آراجی اولاراق ایستیفاده ائدیب اقتداری اله گئچرمک اوچون آنلاشمایا واردیقلاری معین ائدیلدی.
بو شخصلرین حکومتین صلاحیتلرینی آنایاسادا نظرده توتولمایان بیر شکیلده داوراناراق اقتداری زورلا اله گئچرمه حاضرلیغی ائتدیکلری تعیین اولوندو.
ائدیله‌ن آختاریشلاردا بو شخصلرین یانلاریندا خبرلشمه جیهازلاری، خبرلشمه‌لری انگلله‌ییجی جیهازلار، سلاحلار و مهمات تاپیلدی.
سؤزو گئدن شخصلر میللی گوونلیک سرویسی و سوروشدورما بوروسو چالیشانلاری طرفیندن گؤزآلتینا آلیندی.
اؤته یاندان ارمنیستان مطبوعاتین‌دا یئر آلان خبرلره گؤره، بو شخصلردن بیرینین ایروان اسکی بلدیه باشقانی و "کؤنوللو محافظلر بیرلیگی" توپلوم قورولوشونون اسکی باشقان کؤمکچیسی آلبرت بازیان اولدوغو، اونا باشباخان نیکول پاشینیانا سوءقصد پلانلاما سوچلاماسی یؤنه‌لدیلدیگی ایفاده ائدیلدی.
گؤزآلتینا آلینان شخصلر حاقیندا ائدیله‌ن سوروشدورمانین داوام ائتدیگی قید ائدیلدی.
