عرب قبیله‌لری پ‌کاکایا قارشی یئنیدن عملیات باشلاتدی

ترور هؤرگوتونون باسقیسی آلتینداکی عرب قبیله‌لری، سوریه‌نین دیرالزور ائلینین دوغوسوندا پ‌کاکا/ی‌پ‌گ‌یه قارشی یئنیدن عملیات باشلاتدی.
یئرلی قایناقلاردان الده ائدیله‌ن بیلگییه گؤره، دیرالزور ائلینده، تخمیناً ۲ هفته‌لیک آرادان سونرا عرب عشیرتلری ایله پ‌کاکا/ی‌پ‌گ‌‌لی تروریستلر آراسیندا یئنیدن چاتیشمالار چیخدی.
ترور هؤرگوتونون باسقیسی آلتینداکی عرب عشیرتلری، دیرالزورون دوغو چؤلونده سحر ساعاتلاریندا پ‌کاکا/ی‌پ‌گ‌یه قارشی عملیات باشلاتدی.
زیبن، تیانه و محمدیه کندلرینده شدتلی چاتیشمالار یاشانیر.
چاتیشمالارین اولدوغو بؤلگه‌یه چوخ ساییدا تروریست گؤندرن پ‌کاکا/ی‌پ‌گ‌، عملیاتین دیگر بؤلگه‌لره یاییلماسینی اؤنله‌مک اوچون عرب عشیرتلرینین سیخ اولاراق یاشادیغی صبحا، ابرهیه، بوسایریه، شاهیل، باغوز و زیبان کندلری اوچون "کوچه‌یه چیخما قاداغاسی" گتیردی.
بو کندلرده ۲ هفته اول سیخ چاتیشمالار چیخمیشدی.
عرب عشیرتلری، ۲۷ آگوست-۱۳ سپتامبردا تشکیل ائتدیکلری عملیاتلاردا، دیرالزور، رقه و حسکه ائللری ایله حلبین منبج بؤلگه‌لرینده توپلام ۳۳ کندی تروردان تمیزله‌میشدی.
آنجاق عربلر، ترور هؤرگوتونون سالدیریلاری نتیجه‌سینده مولکی وطنداش ایتکیلرینی اؤنله‌مک اوچون بو کندلردن گئری چکیلیب آمریکا بیرلشمیش دؤولتلری ایله موذاکیره ماساسینا اوتورموشدو.