یونانلی سونوجونون سؤزلری تپکی چکدی

یونانیستان‌دا دؤولت کانالی ارت‌نین سونوجوسو آلکساندراس دوووارا، اؤلکه‌سینده یانغیندا حیاتینی ایتیره‌ن کؤچمنلرله باغلی،
"کؤمورلشمیش ۱۸ کؤچمندن باشقا یاخشی کی هئچ بیر اینسانیمیزی ایتیرمه‌دیک" ایفاده‌سینی ایشلتدی.
یونانیستانین هر یئرین‌ده مئشه یانغینلاری داوام ائدرکه‌ن، ارت‌نین خبر بولتنی سونوجوسو آلکساندراس دوووارانین ائتدیگی عیرقچی سونوم تپکی چکدی.
"تک خوش اولان شئی، کؤمورلشه‌رک اؤلن ۱۸ کؤچمندن باشقا اینسان حیاتینین یاسینی توتمامیش اولمامیزدیر" دئیه‌ن سؤزچو، یونان مئدیاسیندا تنقیدلرین هدفینده.
IN.GR خبر سایتی بونون قبول ائدیله‌بیلمز بیر ایفاده اولدوغونو سؤیله‌یه‌رک، سونوجویا گؤره "کؤچمنلرین داها آشاغی بیر تانرینین اینسانلاری اولدوغونو، حیاتلارینین یونان‌لیلارین حیاتلاری قدر اؤنملی اولمادیغینی" ایفاده ائتدی.
افیمریدا قزئتی ده سونوجونون آچیقلاماسینی، "اوتانج وئریجی" اولاراق تانیملادی.
یونانیستان‌دا سوسیال مئدیا ایستیفاده‌چیلری، سونوجو حاقین‌دا نیفرت قانونو چرچیوه‌سین‌ده ایشله‌م ائدیلمه‌سینی طلب ائتدی.