زاخارووا: اردوغانین آچیقلامالارینا متمرکز اولوروق

روسیادان، تورکیه ایله ایلیشکی و امکداشلیغی گلیشدیرمه آچیقلاماسی گلدی.
روس خاریجی ایشلر باخانلیغی سؤزچوسو ماریا زاخارووا، باشکند موسکوادا هفته‌لیک مطبوعات توپلانتیسین‌دا گوندمده‌کی قونولارا باغلی سواللاری جاوابلادی.
تورکیه‌ده یئنی حکومتین روسیا و آمریکا بیرلشمیش دؤولتلری ایله متعادل ایلیشکیلر یئریتمه‌سینی گؤزله‌ییب گؤزلمه‌دیگینه باغلی بیر سوالی جاوابلاندیران زاخارووا، هر شئی‌دن اؤنجه تورکیه‌نین سئچیلمیش اولان جمهورباشقانی اردوغانین، "آنکارانین، روسیا ایله ایکی اؤلکه‌نین خالقلارینین تمل چیخارلارینی قارشیلایان، قارشیلیقلی فایدا تامین ائد‌ن، چوخ طرفلی امکداشلیغی گلیشدیرمه‌یه داوام ائتمه نیتینده اولدوغو" یولوندا‌کی آچیقلامالارینا متمرکز اولدوقلارینی ایفاده ائتدی.
سؤزچو زاخارووا،
"بئله مثبت بیر توتومو ممنونیتله قارشیلاییریق. اؤز پاییمیزا بئله ایکیلی بیر آنلاییشین تطبیق اولونماسینی تشویق ائدجییک و اورتایا چیخماسی لازیم اولان نتیجه‌لری ایزله‌یه‌جییک" ایفاده‌لرینی ایشلتدی.