ایرانین جده کونسوللوغو یئنیدن آچیلدی
جده کونسوللوغو ایله ایسلام امکداش‌لیق تشکیلاتی ایران دائمی نماینده‌لیگینین آچیلیش مراسیمینه، ایکی اؤلکه مسئوللاری قاتیلدی
ایرانین سعودی عربیستان‌داکی جده کونسوللوغو ایله ایسلام امکداش‌لیق تشکیلاتی ایران دائمی نماینده‌لیگی، ۷ ایل آرادان سونرا یئنیدن آچیلدی.
ایرانین رسمی خبر آژانسی ایرنایا گؤره، جده کونسوللوغو ایله ایسلام امکداش‌لیق تشکیلاتی ایران دائمی نماینده‌لیگینین آچیلیش مراسیمینه، ایکی اؤلکه مسئوللاری قاتیلدی.
ایرانین ریاض ائلچیلیگی ده ۶ ژوئنده آچیلمیشدی.
سعودی عربیستاندا، ۲۰۱۶دا، آرالارین‌دا شیعه دین آدامی نمر النیمرین ده اولدوغو ۴۷ نفر "ترور" سوچلاماسییلا اعدام ائدیلمیش، ایرانلی مقاملار آرخا آرخایا وئردیکلری آچیقلامالارلا اعداملارا تپکی وئرمیشدی.
آچیقلامالارین آردین‌دان، ایران‌داکی گؤستریچیلر سعودی عربیستانین تهران ائلچیلیگی و مشهد شهرین‌ده‌کی کونسوللوق بیناسینی یاندیرمیشدی.
بو سالدیریلارین آردین‌دان سعودی عربیستان رهبرلیگی، ۳ ژانویه‌ده ایران ایله دیپلوماتیک ایلیشکیلرینی کسدیگینی بیلدیرمیشدی.
ریاض و تهران، ۷ ایل آرادان سونرا ۱۰ مارس‌دا پکن‌ده چین‌لی مقاملارین آراچیلیغی ایله دیپلوماتیک ایلیشکیلرین ایکی آی ایچین‌ده یئنیدن باشلادیلماسی قونوسون‌دا آنلاشمایا وارمیشدی.
ایران، ۲۳ می‌ده خاریجی ایشلر باخان کؤمکچی‌سی علیرضا عنایتینین ریاض ائلچیی اولاراق تعیین ائدیلدیگینی آچیقلامیشدی.
