شاهباز شریفدن اردوغانا دعوت

شریف، اردوغانی اسلام آباددا تشکیل ائدیلمه‌سی پلانلانان یوکسک سویه‌لی استراتژیک امکداشلیق شوراسینین ۷.جی ییغینجاغینا دعوت ائتدی

1995564
شاهباز شریفدن اردوغانا دعوت


پاکیستان باشباخانی شاهباز شریف، جمهورباشقانی رجب طیب اردوغانی، پاکیستانین باشکندی اسلام آباددا تشکیل ائدیلمه‌سی پلانلانان یوکسک سویه‌لی استراتژیک امکداشلیق شوراسینین ۷.جی ییغینجاغینا دعوت ائتدی.
جمهورباشقانی اردوغانین "وظیفه‌یه باشلاما مراسیمی"نه قاتیلان شریف، پاکیستان حکومتی و خالقی آدینا، یئنی‌دن بو وظیفه‌یه سئچیلمه‌سی سببی ایله اردوغانا ان صمیمی تبریکلرینی چاتدیردی و باشاریلارینین داوامینی دیله‌دی.
شریف، اردوغانین اؤن گؤرولو لیدئرلیگینی تقدیر ائد‌رک، تورکیه‌نین سون ۲۰ ایلده، هر ساحه‌ده آتدیغی آددیملارین ان دقت چکیجی باشاری نومونه‌سی اولدوغونو ایفاده ائتدی.
تورکیه جمهوریتینین قورولوشونون ۱۰۰.جو ایلینه توخونان شریف، جمهورباشقانی اردوغانین ایر‌لیله‌مه و رفاه یولون‌دا اؤندرلیک ائتمه‌یه داوام ائتمه‌سینین تام یئرین‌ده بیر وضعیت اولدوغونو بیلدیردی.
شریف، بؤلگه‌سل باریشی تشویق ائتمه چابالاری، دیپلوماسی و دیالوگا اولان باغلیلیغی اوچون اردوغانا تشکرلرینی چاتدیردی.
پاکیستانین تورکیه ایله قارداشلیق باغلارینی داها دا گوجله‌ندیرمه و موختلیف استراتژیک اورتاقلیقلاری گلیشدیرمه تعهدونو تکرارلایان شریف، اردوغانی اسلام آباددا تشکیل ائدیلمه‌سی پلانلانان یوکسک سویه‌لی استراتژیک امکداشلیق شوراسینین ۷.جی ییغینجاغینا دعوت ائتدی.



ایلگیلی‌لی خبرلر