یونامی‌نین وظیفه مدتی ۱ ایل اوزادیلدی

بیرلشمیش میللتلر عراق یاردیم هیئتینین (یونامی) وظیفه مدتی ۱ ایل اوزادیلدی.
بیرلشمیش میللتلر گوونلیک شوراسین‌دا ائدیله‌ن سس وئرمه‌ده، یونامینین وظیفه مدتینین ۱۲ آی داها اوزادیلماسی قراری اوی بیرلیگی ایله قبول ائدیلدی.
اینگیلتره‌نین بیرلشمیش میللتلر دائمی نماینده‌لیگی، قرارا باغلی سوسیال مئدیا حسابین‌دان ائتدیگی پایلاشیمدا، "قرارین اوی بیرلیگی ایله آلینماسی، شورانین یاردیم وظیفه‌سینه، عراقین اوزون وعده‌لی ثابتلیگی و خالقینا اولان دستگینی گؤستریر" ایفاده‌سینی ایشلتدی.
گوونلیگین تامین ائدیلمه‌سینین یانین‌دا، عراقین قالخینماسی و یئنی‌دن قورولماسین‌دا حکومته کؤمکچی اولما وظیفه‌سینه صاحب یونامینین، عینی زامان‌دا عراق‌داکی اینسان حاقلاری پوزونتولارینی ایزله‌مه وظیفه‌سی وار.
یونامی، آمریکا و متفیق گوجلرین عراقی ایشغال ائتمه‌سین‌دن آردین‌دان ۱۴ آگوست ۲۰۰۳ده بیرلشمیش میللتلر گوونلیک شوراسینین ۱۵۰۰ ساییلی قرارییلا قورولموشدو.