روسیا: اوکراینانین سون دؤیوش گمیسی محو ائدیلدی
روسیا ساوونما ناظیرلیگی اوکراینا دونانماسی‌نین سونونجو دؤیوش گمی‌سی‌نین اودسا لیمانیندا محو ائدیلدیگینی آچیقلاییب.
روسیا ساوونما ناظیرلیگی اوکراینا دونانماسی‌نین سونونجو دؤیوش گمی‌سی‌نین اودسا لیمانیندا محو ائدیلدیگینی آچیقلاییب.
ناظیرلیک‌دن وئریلن یازیلی آچیقلامادا روسیا اوردوسونون اوکراینا‌داکی حرکت‌لری ایله باغلی معلومات‌لار یئر آلیب.
آچیقلامادا دونتسک بؤلگه‌سینده ان شدت‌لی قارشیدورما‌لارین آدویکا بؤلگه‌سینده یاشاندیغی، روسیا اوردوسونون بؤلگه‌یه راکت هوجوم‌لاری تشکیل ائتدیگی و اوکراینا اوردوسونون کراسنوگروفکا و یاسینواتایا قصبه‌لریندن گئری چکیلمه‌لی اولدوغو قئید ائدیلیب.
دونتسک، خارکوو و زاپوریژیا ویلایت‌لرینده ده اوکراینا اوردوسونا عایید موختلیف تجهیزات انبارلارینین محو ائدیلدیگی بیلدیریلن آچیقلامادا زاپوریژیا-دا بیر فرماندهی پست‌ون دا محو ائدیلدیگی بیلدیریلیب.
آچیقلامادا روسیا اوردوسونون اوکراینانین اودسا لیمانینا حیاتا کئچیردیگی هوجوملا باغلی معلومات‌لار دا پایلاشیلیب.
"می‌ین 29-دا اوکراینا حربی دنیز قوه‌لری‌نین " یوری اوله‌فیرنکو" آدلی سونونجو دؤیوش گمیسی روسیا حربی هاوا قوه‌لری‌نین اودسا لیمانیندا حربی گمی‌لرین ائستاکاداسینا یوکسک دقیق‌لیک‌لی سلاحلا هوجومو نتیجه‌سینده محو ائدیلیب"، آچیقلامادا قئید ائدیلیب.
قئید ائدک کی، 2022-جی ایل فوریه‌نین 24-ده روسیا پرزیدنتی ولادیمیر پوتین اوکراینانی ایشغال ائتمک امرینی وئردی و بونونلا دا روسیا-اوکراینا محاربه‌سی باشلاییب.
ایلگیلی‌لی خبرلر
"اترنیتی-2023" مانورو باشلادی
باکی-دا تورکیه، آذربایجان و گورجوستان حربچی‌لری‌نین "اترنیتی-2023" قرارگاه مانورو کئچیریلیر.
