میتسوتاکیس حکومتی قورماق وظیفهسینی پرزیدنت ساکلاروپولو یا قایتاریب
یونانیستانین باش ناظیری کیریاکوس میتسوتاکیس حکومت قورماق وظیفه سینی پرزیدنت کاترینا ساکلاروپولو یا قایتاریب.
یونانیستان-دا میین 21-ده کئچیریلن عمومی سئچکیلرده 2-جی پارتیا اولان رادیکال سول اتقاقین (سیریزا) لیدری الکسیس سیپراس پرزیدنت کاترینا ساکلاروپولو نون اونا تاپشیردیغی حکومت قورماق وظیفه سینی رد ائدیب.
پرزیدنت کاترینا ساکلاروپولو طرفیندن اونا حکومت قورماق تاپشیریغی وئرمک اوچون دعوت ائدیلن آنا موخالیفتین لیدری سیپراس کوالیسیون حکومتینی قورا بیلمهسی اوچون لازیمی شرایطین اولمادیغینی قئید ائدیب.
سیپراس "من سیزه دئمهیه گلمیشم کی، آنایاسا مسئولیتیمه گؤره حکومت قورماق وظیفهسینی اؤز اوزریمه گؤتورمهیهجهیم. چونکی حکومتی قورماق ایمکانی یوخدور" دئییب.
یونانیستانین باش ناظیری کیریاکوس میتسوتاکیس ده رهبرلیک ائتدیگی یئنی دموکرسی پارتیاسینین پارلامنت سئچکیلرینده غالیب گلمهسینه باخمایاراق، حکومت قورماق وظیفه سینی دونن پرزیدنت کاترینا ساکلاروپولو یا قایتاریب.
جمهور باشقانلیغینین معلوماتینا گؤره، میتسوتاکیسین کاترینا ساکلاروپولو یا زنگ ائتدیگی و حکومتی قورماق وظیفهسینی قایتاردیغی ایفاده ائدیلیب.
آچیقلامادا کاترینا ساکلاروپولو نون سئچکیلرده ایکینجی پارتیا اولان رادیکال سول اتفاقین (سیریزا) لیدری آلکسیس سیپراسی قبول ائتدیگی و بو دفعه اونا حکومت قورماق وظیفهسینی تاپشیراجاغی بیلدیریلیب.
یونانیستاندا اؤتن گون کئچیریلن عمومی سئچکیلرین غیری -رسمی نتیجهلرینه گؤره، یئنی دموکراسی پارتیاسی ان یاخین رقیبی سیریزا-نی 20 خال گئریده قویاراق 40 فایزدن چوخ (146 یئر) سس توپلاییب، لاکین حاکمیته گله بیلمهسی اوچون لازیم اولان 151 میللت وکیلینه چاتا بیلمهییب.
سیریزا 20،07 فایز سسله 71 میللت وکیلی ایله ایکینجی یئرده قرارلاشیب.
سئچکی یاریشیندا اوچونجو یئری توتان "پاسوک-کینال" بیرلیگی 11،46 فایز سسله 41 کرسی قازانیب.
یونانیستان-دا جاری ایل ایلک دفعه تطبیق ائدیلن سئچکی سیستمی، سسلرین نتیجهلری هئچ بیر پارتیانین تکباشینا حاکمیته گلمهسینه ایمکان وئرمه دیگی تقدیرده کوالیسیون اوچون دانیشیقلاری نظرده توتور. کوالیسیون اوچون ائتلاف الده اولونمازسا، ایکینجی دفعه سئچیجیلر اوچون قرار وئریلیر.
ایکینجی دفعه سئچکی کئچیریلدیگی زامان بیرینجی یئری توتان پارتیایا ان آزی 25 فایز سس توپلاماق شرطی ایله پارلامنتده علاوه 20 یئر وئریلیر.
ایلگیلیلی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب