ایراندان سوئده سپاه تپکیسی
ایران، سوئد پارلانینین، آوروپا بیرلیگینین سپاهی تروریست قروپلار لیستینه آلما قرارینی دستکلهیهن لایحهنی تصدیقلهمهسینی، اؤلکهنین ایچ ایشلرینه موداخیله اولاراق دگرلندیردی
ایران، سوئد پارلمانینین اینقیلاب گؤزتچیلری اوردوسو سپاهی "ترور" لیستینه آلما قرارینا تپکی وئردی.
ایران خاریجی ایشلر باخانلیغی سؤزچوسو ناصر کنعانی، سوئد پارلانینین، آوروپا بیرلیگینین ایران اینقیلاب گؤزتچیلری اوردوسو سپاهی تروریست قروپلار لیستینه آلما قرارینی دستکلهیهن لایحهنی تصدیقلهمهسینی، اؤلکهنین ایچ ایشلرینه موداخیله اولاراق دگرلندیردی.
ایرانلی اؤیرنجیلر خبر آژانسی ایسنایا گؤره، کنعانی قونویلا باغلی آچیقلاماسیندا،
"سوئد پارلمانینین قراری، ایرانین تروریست قبول ائتدیگی عنصورلارین تأثیری آلتیندا قالاراق آلدیغی بیر قراردیر" دگرلندیرمهسینی وئردی.
سؤزو گئدن گیریشیمین، ایرانین اگمنلیک حاقلاری و گوونلیگینه قارشی سالدیری اؤزللیگینده اولدوغونو دئین کنعانی، "بو قرار، اگمنلرین برابرلیگی و ایچ ایشلرینه قاریشماما قانونو داخیل اولماق اوزره، اولوسلارآراسی حقوقا ضد بیر قراردیر" ایفادهلرینی ایشلتدی.
کنعانی، ایران رهبرلیگینین، سوئد پارلمانینین قرارینی شدتله قینادیغینی قید ائتدی.
سوئد پارلمانی، دونن ایران اینقیلاب گؤزتچیلری اوردوسو سپاهین "آوروپا بیرلیگینین تروریست قروپلار لیستینه" آلماسینی دستکلهمهیه دایر قانون لایحهسینی اونایلامیشدی.