ایران‌دا اؤیرنجیلردن اعتراض
تهران اونیوئرسیته‌سی اؤیرنجیلری، مجبوری باش اؤرتوسو اویقولاماسی و اوخوللاردا اؤیرنجیلرین توپلو زهرله‌نمه‌سینه اعتراض ائتدی
ایران‌دا تهران اونیوئرسیته‌سی اؤیرنجیلری، مجبوری باش اؤرتوسو اویقولاماسی و اوخوللاردا اؤیرنجیلرین توپلو زهرله‌نمه‌سینه اعتراض ائتدی.
تهران اونیوئرسیته‌سینین سوسیال بیلیملر ایله پسیکولوژی و تربیت بیلیملری فاکولته‌لری اؤیرنجیلری گؤستری تشکیل ائتدی.
تهران اونیوئرسیته‌سی سوسیال بیلیملر فاکولته‌سی گوونلیگی، مجبوری باش اؤرتوسو قایداسینا اویماما‌سی سببی ایله بعضی اؤیرنجیلری اوخولا آلمادی.
امنیت گؤره‌لیلرینین سؤزو گئدن اویقولاماسینا و اؤلکه‌نین بیر چوخ یئرین‌ده‌کی اوخوللارده اؤیرنجیلرین توپلو زهرله‌نمه‌سینه تپکی وئره‌ن اؤیرنجیلر بیر آرایا گله‌رک شعار وئردی.
اؤیرنجیلر، مجبوری گئییم اویقولامالاری ایله دیسیپلین قورولونون اؤیرنجیلره وئردیگی جزا قرارلارینا قارشی اوتورما ائیلمی ائتدی.
ایرانین باشکندی تهران‌دا ۱۳ سپتامبر ۲۰۲۲ده اخلاق پلیسی طرفیندن گؤزآلتینا آلیندیقدان سونرا خسته‌لنه‌رک خسته‌خانایا قالدیریلان ۲۲ یاشینداکی مهسا امینی، ۱۶ سپتامبردا حیاتینی ایتیرمیشدی.
امینینین اؤلومو اوزرینه باشلایان گؤستریلر، اؤلکه‌یه یاییلاراق یؤنه‌تیم قارشیدی اعتراضلارا چئوریلمیش، اعتراضلاردا یوزلرجه اینسان حیاتینی ایتیرمیشدی. اؤلکه‌ده امینینین اؤلومونه اعتراض ائد‌ن و مجبوری گئییم قایداسینا قارشی چیخان مینلرجه اینسان گؤزآلتینا آلینمیشدی.
ایران‌دا ۳۰ نوامبر ۲۰۲۲دن بو یانا عمومیتله قیز اؤیرنجیلرین تحصیل آلدیغی اوخوللارده توپلو زهرله‌نمه حادثه‌لری یاشانیر. بو آنا قدر ۲۵۰یه یاخین اوخولدا ۵ میندن چوخ اؤیرنجی زهرله‌ندی.
اؤیرنجیلرده تنفس چتینلیگی، اورک بولانماسی، باش آغریسی و عضولرده اویوشما کیمی علامتلر گؤرولور.
ایران ایچ ایشلری باخانلیغی اوخوللاردا توپلو زهرله‌نمه حادثه‌لری ایله باغلانتیلی اولدوقلاری شوبهه‌سی ایله ۱۰۰دن چوخ اینسانین گؤزآلتینا آلیندیغینی بیلدیرمیشدی.
