افغانیستان-دا داشقین‌لار نتیجه‌سینده 10 نفر اؤلوب

سون بیر هفته‌ده افغانیستانین 23 ایالتینده یاغان آرام‌سیز یاغیش‌لارین سبب اولدوغو داشقین‌لار نتیجه‌سینده 10 نفر حیاتینی ایتیریب.

طالبان حکومتی‌نین طبیعی فلاکت‌لرله موباریزه اوزره دؤولت ناظیرلیگی‌نین سؤزچوسو شئفی رحیمی ژورنالیست‌لره وئردیگی آچیقلامادا افغانیستانین 23 ویلایتینده سون بیر هفته‌ده یاغان آرام‌سیز یاغیش‌لارین داشقین‌لارا سبب اولدوغونو دئییب.

داشقین‌لاردا 10 نفرین حیاتینی ایتیردیگینی قئید ائدن رحیمی 76 نفرین یارالاندیغینی بیلدیریب.

رحیمی داشقین‌لار نتیجه‌سینده 1800 ائوین یارارسیز حالا دوشدوگونو و 22  مین هکتار اکین ساحه‌سی‌نین سو آلتیندا قالدیغینی دئییب.

شئفی رحیمی قئید ائدیب کی، ان چوخ ضرر پروان و بئله ایالت‌لرینده موشاهیده اولونوب.