کابل‌دا انتحار سالدیریسی
سالدیرقانین باخانلیغین اولدوغو کوچه‌نین گیریشینده‌کی کنترل نقطه‌سینه یاخینلاشدیغی سیرادا گوونلیک گوجلری طرفیندن ائتکیسیز حالا گتیریلدیگی و بو اثنادا اوزرینده‌کی بومبانین پاتلادیغی بیلدیریلدی
افغانیستانین باشکندی کابل‌‌دا‌کی خاریجی ایشلر باخانلیغینین یاخینیندا تشکیل ائدیله‌ن انتحار سالدیریسیندا ۶ نفر حیاتینی ایتیردی.
کابل امنیت مودورلوگو سؤزچوسو خالد زدران، مطبوعاتا وئردیگی آچیقلامادا، سالدیرقانین باخانلیغین اولدوغو کوچه‌نین گیریشینده‌کی کنترل نقطه‌سینه یاخینلاشدیغی سیرادا گوونلیک گوجلری طرفیندن ائتکیسیز حالا گتیریلدیگینی و بو اثنادا اوزرینده‌کی بومبانین پاتلادیغینی سؤیله‌دی.
سالدیریدا ۶ وطنداشین حیاتینی ایتیردیگینی ایفاده ائد‌ن زدران، اۆچو طالبان منسوبو بیر نئچه نفرین ده یارالاندیغینی ایفاده ائتدی.
کابلون ان بؤیوک ساغلیق مرکزلریندن عاجیل دوروم خسته‌خاناسینین سوسیال مئدیا حسابیندان وئریله‌ن آچیقلامادا، خاریجی ایشلر باخانلیغی یاخینیندا تشکیل ائدیله‌ن بومبالی سالدیریدا حیاتینی ایتیره‌ن ۲ نفرین جانسیز بد‌نلرینین خسته‌خانایا گتیریلدیگی بیلدیریلدی.
آچیقلامادا، سالدیریدا آرالاریندا بیری اوشاق ۱۲ نفرین یارالاندیغی قید ائدیلدی.
طالباندان هله آچیقلاما وئریلمزکن سالدیرینین مسئولیتینی اۆستلنن اولمادی.
۱۱ ژانویه‌ده ده خاریجی ایشلر باخانلیغینین گیریشینده تشکیل ائدیله‌ن بومبالی سالدیریدا ۵ نفر حیاتینی ایتیرمیشدی.
ایلگیلی‌لی خبرلر
طالباندان ایران سرحدیتذه مانور
مانورون آماجینین طالبان منسوبلارینا یئنی تجروبه‌لر قازاندیرماق اولدوغو بیلدیریلدی
