سوریه‌‌ده کوالیسیون مرکزینه سالدیری
"باشقان بایدنین تاپشیریغییلا، آمریکا مرکز قوموتانلیغی گوجلرینه، ایران اینقیلاب گؤزتچیلری اوردوسو ایله باغلانتیلی قروپلارین ایستیفاده ائتدیگی تاسیسلره هاوا سالدیریلاری ائدیلمه‌سی صلاحیتی وئردیم"
سوریه‌‌نین حسکه ویلایتینده آمریکا بیرلشمیش دؤولتلری لیدئرلیگینده‌کی داعش ایله موباریزه کوالیسیونو مرکزینه اینسانسیز هاوا آراجی (ایها) ایله تشکیل ائدیله‌ن سالدیری‌دا ۱ نفر اؤلدو، ۶ نفر یارالاندی.
آمریکا بیرلشمیش دؤولتلری ساوونما باخانلیغین پنتاگوندان وئریله‌ن آچیقلامادا، دونن یئرلی ساعاتلا ۱۳:۳۰دا بیر ایهانین، داعش ایله موباریزه کوالیسیونونا عاید بیر باخیم تاسیسینی ووردوغونو بیلدیردی.
آچیقلامادا، سالدیری نتیجه‌سینده آمریکا ایله چالیشان ۱ آنلاشمالی پرسنلین اؤلدوگو، ۱ آنلاشمالی پرسنل ایله ۵ آمریکالی عسگرینین یارالاندیغی بیلگیسی وئریلدی.
استخباراتین سؤزو گئدن ایهانین ایرانا عاید اولدوغونو دگرلندیردیگی قید ائدیلن آچیقلامادا، آمریکا بیرلشمیش دؤولتلری ساوونما باخانی لوید آستینین دگرله‌ندیرمه‌سینه ده یئر وئریلدی.
آستین، "باشقان (جو) بایدنین تاپشیریغییلا، آمریکا مرکز قوموتانلیغی گوجلرینه، ایران اینقیلاب گؤزتچیلری -سپاه- اوردوسو ایله باغلانتیلی قروپلارین ایستیفاده ائتدیگی تاسیسلره هاوا سالدیریلاری ائدیلمه‌سی صلاحیتی وئردیم. بو سالدیری، بو گونکو سالدیرینین یانیندا، سپاه ایله باغلانتیلی قروپلار طرفیندن سوریه‌‌ده‌کی کوالیسیون گوجلرینه قارشی سون دؤنمده گئرچکلشدیریلن بیر سیلسیله سالدیریا جاواب اولاراق گئرچکلشدیریلدی" ایفاده‌لرینی ایشلتدی.
آمریکا بیرلشمیش دؤولتلری سالدیریسینین آمریکا پرسنلینی قوروماق مقصدیله ائدیلدیگینه ایشاره ائد‌ن آستین، سالدیرینین گرگینلیگی آرتیرما ریسکینی دۆشورمک اوچون اورانتیلی/موتناسیب بیر سالدیری اولدوغونو قید ائتدی.
