ایران ایله آوروپالی دیپلومات‌لار آراسیندا گوروشوب اولوب
ایران ایله اینگیلتره، فرانسا و آلمانیانین یوکسک سویه‌لی دیپلومات‌لاری اوسلودا گؤروش کئچیریب‌لر.
ایران ایله اینگیلتره، فرانسا و آلمانیانین یوکسک سویه‌لی دیپلومات‌لاری اسلو-دا گؤروش کئچیریب‌لر.
ایران خاریجی ایشلر ناظیری‌نین معاوینی و باش موذاکیرچی علی باقری نروژ-ین پایتاختی اسلودا آتوم راضیلاشماسی‌نین آوروپا طرف‌لری اولان E3 کیمی تانینان، اینگیلتره، فرانسا و آلمانیانین یوکسک سویه‌لی دیپلومات‌لاری ایله گؤروشدوگونو آچیقلاییب.
علی باقری توییتر حسابیندان ائتدیگی پای‌لاشیمدا "اسلودا E3 اؤلکه‌لری‌نین سیاسی دیرکتورلاری ایله گؤروش کئچیردیک. قارشی‌لیق‌لی اولا‌راق ماراق‌لی و ناراحات‌لیق دوغوران بیر سیرا مؤوضوع لاری احاته‌لی شکیلده موذاکیره ائتدیک" دئییب.
ایرانین "فیکیرلرینی دقیق‌لش‌دیرمک و بعضی یانلیش حسابلاما‌لارا قارشی خبردارلیق ائتمک" اوچون هئچ بیر فورصتی الدن وئرمه‌یه‌جگینی ایفاده ائدن علی باقری "دیپلوماتیا یولو دا داخیل اولماقلا میللی ماراق‌لاریمیزی ایرلیلتمکده قرارلیییق" ایفاده‌لریندن ایستیفاده ائدیب.
علی باقری گؤروشون اؤتن ایلین سپتامبریندا ایران و امریکا آراسیندا حل ائدیلمه‌میش فیکیر آیری‌لیق‌لارینا گؤره دایان‌دیریلان آتوم دانیشیق‌لارینا عایید اولوب-اولمادیغینی بیلدیرمه‌ییب.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
