ایران‌دان فرانسایا 'خشونتدن وازگئچ' توصیه‌سی
"فرانسا پلیسینین اعتراضلارا قارشی خشونته ال آتماسی، بو اؤلکه حکومتینین دموکراسی و سؤز اؤزگورلوگو ایلکه‌لرینه باغلی اولمادیغینین بیر گؤستریجیسیدیر"
ایران، فرانسادا امکلی‌لیک اصلاحاتی قارشیدی گؤستریلرده فرانسا پلیسینین گؤستریچیلره موداخیله‌سینی تنقید ائتدی.
ایران خاریجی ایشلر باخانلیغی سؤزچوسو دناصر کنعانی، بو قونویلا باغلی وئردیگی آچیقلامادا،
"فرانسا پلیسینین اعتراضلارا قارشی خشونته ال آتماسی، بو اؤلکه حکومتینین دموکراسی و سؤز اؤزگورلوگو ایلکه‌لرینه باغلی اولمادیغینین بیر گؤستریجیسیدیر" دگرلندیرمه‌سینی وئردی.
پاریس یؤنه‌تیمینه "اینسان حاقلاری قونوسوندا ایکیلی استاندارد‌دان و قونونو آراجساللاشدیرماقدان وازگئچمه‌سینی توصیه ائتدیکلرینی" ایفاده ائد‌ن کنعانی،
"فرانسا، اعتراضلارا قارشی خشونت تطبیقیندن وازگئچمه‌‌لیدیر" ایفاده‌لرینی ایشلتدی.
فرانسادا حکومتین امکلی‌لیک یاشینی ۲ ایل یوکسلدن قانون لایحه‌سینی سس اویلاما اولمادان مجلیسدن گئچیرمه قراری اوزرینه ۱۶ مارسدا باشلایان و دونن ده داوام ائد‌ن اعتراضلارا گوونلیک گوجلری موداخیله ائتمیشدی.
پاریس، مارسی، بوردو، نانت و آمین باشدا اولماق اوزره بیر چوخ شهرده تشکیل ائدیله‌ن اعتراضلاردا گؤستریچیلرله پلیس آراسیندا سرت قارشی دورمالار یاشانمیشدی. اعتراضلار سیراسیندا بو آنا قدر ۵۰۰دن چوخ گؤستریچینین گؤزآلتینا آلیندیغی، گؤستریچیلردن ۲۸۳ونون داها سونرا سربست بوراخیلدیغی آچیقلانمیشدی.
فرانسادا امکلی‌لیک اصلاحاتینا قارشی تپکیلر سۆوررکن، میللی مجلیسده حکومت حاقین‌دا وئریله‌ن سورغو گؤروشوله‌جک. باش قورولدا اکثریته صاحب اولمایان حکومتین دوشمه احتیمالی وار.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
