ایران هاوا ساوونما مانورو باشلاتدی
"اؤزل آماجلی مشترک هاوا ساوونما مانورونون عملیات مرحله‌سی، اؤلکه‌نین قوزئی باتیسی، باتیسی و مرکزینده‌کی هاوا ساحه‌سینده ایجرا ائدیله‌جک"
ایران گئنیش مقیاسلی هاوا ساوونما مانورو باشلاتدی.
ایران دؤولت تلویزیونونون خبرینه گؤره، "ولایت گؤیو مدافعه‌چیلری ۱۴۰۱" آدی وئریله‌ن مانور، اوردو و اینقیلاب گؤزتچیلری اوردوسوندان هاوا ساوونما بیریملرینین ایشتیراکییلا باشلادی.
مانورا باغلی بیلگی وئره‌ن ژنرال قادر رحیمزاده،
"اؤزل آماجلی مشترک هاوا ساوونما مانورونون عملیات مرحله‌سی، اؤلکه‌نین قوزئی باتیسی، باتیسی و مرکزینده‌کی هاوا ساحه‌سینده ایجرا ائدیله‌جک. مانورون سون مرحله‌سی، اؤلکه هاوا ساحه‌سینین تخمیناً اوچده ایکیسی، یعنی ۱ میلیون مربع کیلومتردن چوخ بیر ساحه‌ده گئرچکلشدیرله‌جک" دئدی.
رحیمزاده، مانوردا ساواش اوچاقلاری، اینسانسیز هاوا آراجلاری، رادارلار، الکترونیک ساواش تجهیزاتی و ارتباط سیستملرینین ایستیفاده ائدیله‌جگینی و ۱۰۰دن چوخ اوچاقلا اؤلکه‌نین نۆوه، حربی و اقتصادی مرکزلرینه یؤنه‌لیک اولاسی بیر سالدیرییا قارشی هاوا ساوونما سیستملرینین قابلیتینین تست ائدیله‌جگینی ایفاده ائتدی.
